ASINA NACIO EL DÍA DEL ARGUYU. Tou camudó’l 28 de xunu de 1969, cuando nun club de New York (EE.UU.) llamáu Stonewall pasó daqué distintu.
Aquel día la policía foi a esti chigre, pero, per primer vegada, y por iniciativa d’una muyer transexual, les persones del chigre aguantáronse y llevantáronse contra los axentes. Producieronse los famosos Disturbios de Stonewall, que duraron hores y hores. Delles persones acabaron mancaes, y munches otres deteníes, pero de magar, nada volvió ser lo mesmo.
Empecipióse una anovada llucha pola lliberación LGTB, y yá nun hubo vuelta tras. Les protestes y manifestaciones fueron cada vez más numberoses y, a partir d’ende, xenérense asociaciones y movimientos en contra de l´homofobia, la transfobia, y polo xeneral, de la LGTBfobia.
Dempués d’un añu, el 28 de xunu de 1970 dase una manifestación para conmemoralo, convirtiendo esta fecha nel día del Arguyu del colectivu LGTB.