Publicado en Día de...

Día Internacional de la Muyer Conductora

Día Internacional de la Muyer Conductora: una llamada a la reflexón sobro’l camín escontra la igualdá que queda por percorrer.

International Women Drivers’ Day: una iniciativa promovida pol Women’s World Car of the Year col sofitu de Newspress España que pretende llamar l’atención sobro la importancia de la muyer nel mundu del automóvil.

El 24 de xunu de fai apenes trés años llevantó la prohibición de les muyeres a conducir n’Arabia Saudina. Esi día cayó unu de los grandes murios qu’entá quedaben por baltar nel mundu del automóvil. Les muyeres ganaron en movilidá, llibertá personal y pasión pol automóvil. Fixéronse más visibles y llograron que la sociedá tomara consciencia del potencial de más del 50% de la población.

Na actualidá, les muyeres inflúin en más del 80% de les alquisiciones d’un automóvil nos países avanzaos. Esti fechu va caltenese o va crecer nos próximos años por cuenta de que «el porcentaxe de moces universitaries yá ye mayor nos países desenvueltos. La paridá salarial empieza a ser un oxetivu algamable, nos Conseyos d’Alministración dexaron de ser puramente masculinos y nes llistes de les persones más riques del mundu nun ye estrañu ver cada vez más nomes de muyeres», diz Marta García, presidenta executiva del WWCOTY.

Esti día celebra tamién el papel amplificador de les muyeres a la d’espresar les sos opiniones y esperiencies sobro automóviles nes redes sociales. La so voz multiplícase n´Instagram, onde’l númberu d’usuaries algama’l 50,8% a nivel mundial, 77,1% en Pinterest, 43,8% en Facebook y 44% en TikTok. Y esto ye particularmente importante pola peralta #concienciación medioambiental femenina nel terrén de la movilidá. Nun se trata solo de prestaciones y seguridá, sinón tamién de salvar el planeta ensin perder el derechu a la llibertá de dir y venir onde y cuando cada unu quiera.

Esti eventu ye tamién xuna llamada a la reflexón sobro’l camín que queda por percorrer. Entá güei munches muyeres siéntense esaminaes poles sos pareyes cuando conducen, utilicen el segundu coche familiar o sienten poco sofitu nel mundu del automovilismu deportivu. Por eso ye necesaria esta celebración que promueve el Women’s World Car of the Year. Porque un futuru de movilidá sostenible y d’igualdá nun sería posible ensin la contribución de les muyeres.

El Women’s World Car of the Year ye l’únicu premiu internacional formáu puramente por muyeres periodistes del motor. Foi creáu en 2009 pola comunicadora neozelandesa Sandy Myhre qu’anguaño desempeña les funciones de presidenta d’honor. La presidencia executiva ta al cargu de la española Marta García.

/VER

Peugeot 208. Best Urban Car
Skoda Octavia. Best Family CR
Lexus LC 500 Cabrio. Best Luxury CR
Ferrari F8 Spider. Best Performance Car
Peugeot 2008. Best Urban SUV
Land Rover Defender. Best Medium SUV
Kia Sorento. Best Large SUV
Ford F-150. Best 4×4 & Pick-Up
Honda e. Best EV

L’oxetivu d’esti premiu únicu ye reconocer los meyores coches del añu. El criteriu de votación ta basáu nos mesmos principios qu’emponen a cualquier conductor cuando va mercar un vehículu. Nun ye «el coche de la muyer» porque tal conceutu nun esiste, sinón un coche pa toos. Aspeutos como la seguridá, la calidá, el preciu, el diseñu, la facilidá de conducción y la buelga medioambiental ente otros son tomaos en cuenta a la de la votación.

Tamién premia cada añu a la muyer de más valía dientro de la industria del motor o’l deporte del automovilismu. Anguaño la ganadora foi la finada Sabine Schmitz. El segundu llugar ocupolu Loujain Al Hathloul, l’activista saudina que defendió’l derechu a conducir de toles muyeres del so país.

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *