En “Reyes contra Santa”, una de les películes más vistes n’Amazon estos díes, apaez una figura yá incorporada a la tradición asturiana, L’Anguleru, el pescador d’angules que cada Nuechebona trai regalos a los más pequenos d’Asturies.
La película trata d’un conflictu ente los Reis Magos y Santa Claus que camuda de rumbu pola apaición d’un personaxe inesperáu que lleva dormíu sieglos. Nun momentu de la película apaecen dellos amigos de los Reis Magos, ente quien s’atopa la figura de L’Anguleru, acompañada del Apalpador gallegu, L’Esteru cántabru y el Tió catalán, ente otros.
Esta comedia española protagonizada polos grandes personaxes de la Navidá ta disponible en streaming dende’l pasáu vienres 9 d’avientu. Pero solo pueden esfrutala los suscriptores d’Amazon Prime Video. Liderándo la repartida tán los trés particulares Reis Magos, interpretaos por Karra Elejalde como Melchor, David Verdaguer nel papel de Gaspar y Matías Janick al cargu de Baltasar. Nel llau contrariu, ta la Santa Claus de Andrés Almeida y otros grandes personaxes navidiegos gracies a Josean Bengoetxea, que ye’l Olentzero, o Tomás Pozzi como’l Gnomu Tomte. Completen la repartida Adal Ramones, Eva Ugarte , Isa Montalbán , Cosette Silguero y Laura Quirós.
