Publicado en Dibuxos, NATURA

Tola hestoria del Universu n’una entrevesgada espiral

Una magnífica infografía ilustra tola hestoria del Universu n’una entrevesgada espiral, 13,700 millones d’años arrexuntaos n’una obra maestra visual.

Cuando se trata de la hestoria cosmolóxica la estructura mental que construyimos a base de magnitúes de la nuesa proporción, a cencielles nun algamamamos. L’astracción necesaria para imaxinar los miles de millones d’años qu’han trascurrido para formar l’Universu, supera les llendes de cualesquier. Pero si se trata de visualizar en claru, los artistes son espertos n’ilustrar lo complexo. Asina, Pablo Carlos Budassi, fixo un compilado d’eventos importantes del cosmos y arrexuntó n’una ilustradora infografía que toma tola hestoria del Universu n’una entrevesgada espiral.

La hestoria de la naturaleza dende’l Big Bang hasta l’actualidá amuésense gráficamente compiladas n’una magnífica infografía n’espiral. Los eventos más notables conocíos pola humanidá desfilen en forma d’anotaciones que Budassi fai a manera de llínea del tiempu. Dende la esplosión del Big Bang fai 13,700 millones d’años, pasando pol surdimientu de les estructures cósmiques más complexes como los cúmulos de galaxes. Y claro que tamién inclúi eventos importantes para la humanidá. La nacencia del Sistema Solar y la formación del nuesu planeta Tierra quedaron rexistraos tamién nel gráficu.

Un sistema visual cosmolóxicu

Pero tou esta información nun podría arrexuntase n’una infografía si l’esquema d’organización nun fuera tan maxistral. Budassi creó un sistema visual para aforranos el trabayu d’astracción, nel que cada mil millones d’años ta representáu por 90° de rotación de la espiral. Los postreros 500 millones d’años tán representaos nun tramu de 90° para llograr un mayor detalle sobro la hestoria más recién. La nuesa esistencia ye un abrir y cerrar de güeyos falando en términos cosmolóxicos, asina que los eventos más relevantes de los que la humanidá tien referencia asitiase nel últimu tramu de la espiral.

Nestos postreros 500 millones d’años pueden apreciase eventos importantes pa la Tierra, como la formación del so satélite natural. Amás, Budassi tamién inclúi la hestoria xeolóxica y los tresformamientos poles que pasó’l nuesu planeta. La formación de l’atmósfera y el surdimientu de la vida microscópica, les eres de xelu y l’evolución humana. La estrema precisión de la infografía y la so información na espiral entemez los datos científicos y l’arte visual, ensin dulda, xuna obra que tou amigu del Universu tien d’apreciar.


Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *