Publicado en NATURA

Apaez n’una sablera un ‘estrañu’ pexe con caniles y tentáculos que vive n’agües fondes

Apaez n’una sablera un ‘estrañu’ pexe con caniles y tentáculos que vive n’agües fondes.

El conocíu como ‘pexe balón del Pacíficu’ escasamente atópase na vera y el so afayu provocó munches entrugues. Esta especie puede llegar a vivir nel océanu a más d’un kilometru de fondura.

El pasáu vienres la sablera de Newport Beach, en California, amanecía énte la sollerte mirada de quien pellí pasiaben con una estraña criatura na so vera, el conocíu como pez balón del Pacíficu, qu’habita nes fondures del océanu.

Esti pexe, popularizáu arriendes de la película de Pixar Buscando a Nemo, tien xuna llamativa apariencia, con apuntiaos dientes negros y xuna antena sobro la so cabeza, paecida a una bombilla, qu’usa p’atraer a les sos preses.

Esta especie vive a grandes fondures del océanu, polo qu’atopalo na vera con tan bon estáu de caltenimientu foi «un afayu inusual», según dixo a The Guardian Estes, la persona qu’atopó al pexe.

Magar que esti pexe vive a tanta fondura -puede llegar a tar a más d’un kilometru-, ye una especie conocida para los científicos, que lo afayaron fai casi 200 años. Los sos dientes, que son afilaos como caniles, nun s’usen tantu para morder como para atrapar a les sos preses, dende calamares hasta crustáceos.

Dende’l Muséu d’Hestoria Natural del condáu de Los Ánxeles yá se punxeron en contactu colos funcionarios que se fixeron cargu del afayu, cola esperanza de poder añedilu a la so colección.

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *