Los Sidros y la Comedia volvieron a Valdesoto un añu más pa facer sátira de l’actualidá política y social d’Asturies. Equí dexamos una galería de fotos feches pol nuestru fotógrafu Iván G. Fernández, colos momentos más destacaos d’esta mazacarada d’iviernu.
El Campu la Ilesia de Valdesoto (Siero) acoyó una cita más del tradicional domingu de Sidros y Comedies qu’entama dende hai años l’Asociación El Cencerru. La pandemia, la xubida de la lluz o la oficialidá del asturianu foron dellos de los temes de los que se fixo sátira na edición d’esti añu. Amás, tampoco faltó’l recuerdu pal tamboriteru Javi Castro, fallecíu en 2021 y que formaba parte de la bandina de músicos qu’acompaña a Los Sidros y la Comedia nel pasucais d’esta mazcarada d’iviernu. Foi’l momentu más emotivu de la xornada.