Publicado en Celta, Música

“Luar na Lubre” fai Camín

Los ocho integrantes del grupu gallegu  nun momentu de la so actuación d’ayeri. IRMA COLLÍN

El grupu gallegu folk emociona al públicu uvieín con un conciertu col añu xacobéu como protagonista.

Cada vegada que venimos a Asturies ye como venir a casa d’un familiar, nun sabéis lo bien acoyíos que nos sentimos siempres”.

Fueron les palabres d´Irma Macías, vocalista del grupu de folk “Luar na Lubre”, en recibiendo’l calor y el ciñu del públicu uvieín qu’ayeri esfrutaron del so conciertu. Los vítores y les ovaciones nun faltaron, según les palmes y movimientos de brazos a lo llargo de prácticamente toes los cantares que’l grupu gallegu interpretó ayeri nel Auditoriu Príncipe Felipe.

/

Hestories de pelegrinos ye’l 19º discu de la banda Luar Na Lubre. Un álbum qu’esquiza los escritos, les lleendes, les sonoridaes y les buelgues que los pelegrinos dexaron al traviés de los múltiples senderos que conformen el Camín de Santiago al so pasu pol territoriu gallegu.

Toles butaques dexaes pola restricciones actuales de la pandemia fueron ocupaes, por xente de toles edaes. Nun faltaron les ganes de llevantase en delles ocasiones, una y bones los ritmos allegre y gayoleros de los sos cantares convidaben a ello. “Queríavos yo haber vistu nesta tema ensin asientos, vía a xente botar inclusive”, dixo ente rises la cantante, qu’aprofió lo importante que ye salir de la rutina pa pasalo bien coles mesmes que s’esfruta de la cultura.

Esti conciertu atópase dientro de les actividaes entamaes pola Conceyalía de Turismu pa promocionar Uviéu como orixe del Camín. “Luar na Lubre”, formáu anguaño por ocho integrantes, encaxa nesta programación porque’l so últimu trabayu tien al Camín de Santiago como exa principal. “Vieires y *vieiros, hestories de pelegrinos” ye un álbum que recueye diverses hestories y lleendes de los pelegrinos que percuerren los distintos caminos que lleven escontra Santiago. Toes elles fueron esplicaes a lo llargo del conciertu tantu por Irma Macías como por Bieito Romero, unu de los músicos fundadores del grupu. El públicu escuchó embelesáu les distintes narraciones, ente les que destacaron la del pelegrín armeniu Martiros, la del cura del Cebreiro Elías Valiña, la de los marineros irlandeses que llegaron en barcu pa faer el Camín o la lleenda de la solombra d’un pelegrín na esquina de la plaza Quintana de Santiago. Hasta se cuntó cola presencia de dos homes vistíos de pelegrinos que baillaron una de les pieces.

Estos nuevos cantares combinense colos grandes clásicos de l’agrupación que se fundó fai más de 30 años en La Coruña coles mires de dar a conocer la música y la cultura gallega. Dalgunos de los sos grandes ésitos que más animaron a los espectadores fueron “Camariñas”, “O son do mar” o “Chove en Santiago”, basáu n’unu de los poemes en gallegu qu’escribió Federico García Lorca.


Tracklits 

CD1

  1. BENVIDOS
  2. Vieiros I – (Vento e Campás de Sta. María do Cebreiro)
  3. NO CEBREIRO
  4. Vieiros II – (Pasos zahorra e follas con Zanfona de fondo)
  5. O CEGO ANDANTE
  6. Vieiros III – (Galo)
  7. CAMIÑO DOS CELTAS
  8. Vieiros IV – (Misa en Muxía con mar de fondo e gaivotas)
  9. DUM PATER FAMILIAS
  10. Vieiros V – (Son da Berenguela)
  11. O PEREGRINO AGOCHADO
  12. Vieiros VI – (Pasos zahorra e follas e gaita de fondo)
  13. NA ROMERÍA
  14. Vieiros VII – (Mar de Fisterra e Arpa)
  15. DUGIUM
  16. Vieiros VIII – (Vento forte, corvos e corno da neboa)
  17. MÁRTIROS E O VÁKNER
  18. Vieiros IX – (Ambente de batalla, corvos, miñatos, choiva e tormenta )
  19. OS GALEGOS DE GLENSHIEL
  20. Vieiros X – (Pasos e frauta pastoril)
  21. LE GRANDE CHANSON
  22. Vieiros XI – ( Mar brava e Corno da neboa)
  23. (Bela) MUXÍA
  24. Vieiros XII – (Bosque e corvos arpexios bouzouki)
  25. TERRITORIO VAKNER
  26. Vieiros XIII – (Pasos con paxaros con violín)
  27. ROMANCE DE D. GAIFEROS DE MORMALTÁN

CD2

  1. Romeiro ao lonxe («Ao vivo» con Diana Navarro)
  2. Chove en Santiago («XV aniversario» con Ismael Serrano)
  3. Grial («XV aniversario» con Hevia)
  4. O meu país («Hai un paraiso» con Sara Vidal)
  5. Camiño do Norte («Solsticio»)
  6. Mia irmana fremosa/Muiñeira de Poio («Solsticio» con P. Kilbride)
  7. A miña amiga («Solsticio» con Diana Navarro)
  8. Quantas sabedes («Solsticio» con Miro Casabella)
  9. Camiña Don Sancho («Mar Maior»)
  10. Canto de andar («Camiños da fin da terra» con Andrea Sechi)
  11. Cantiga de Santa María («Espiral» coa Orquestra Sinfónica de Bratislava”) – Mandad’ei conmigo («Mar Maior»)
  12. Romance de Don Gaiferos («Solsticio»)
  13. Hai un paraiso («Hai un paraiso» con Carlos Jean)

 

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *