✈️ Vuelos dende Asturies nel branu 2023:
🛫29 destinos directos a 9 países
🇪🇸16 destinos nacionales
🇫🇷🇬🇧🇵🇹🇳🇱🇮🇹🇩🇪🇧🇪🇮🇪 13 destinos internacionales
💺38 rutes operaes por 7 aerollínees
➕ de 200 destinos en conexón
L’aeropuertu d’Asturies sigue ampliando la so ufierta de vuelos directos gracies al programa de promoción del Principáu al traviés del so conectividad aérea. Esta primavera, van algamase los 13 destinos internacionales y un total de 29 conexones. A los ocho destinos internacionales qu’operaron na temporada d’iviernu (Ámsterdam, Bruxeles, Düsseldorf, Roma, Dublín, Londres Stansted, Londres Gatwick y París) van sumase Milán y Lisboa, esta selmana; Frankfurt y Múnich, n’abril, y Venecia en mayu, lo que va dexar consolidar la mayor ufierta aérea de la hestoria del aeropuertu.
En total, Asturies va cuntar con 29 destinos directos operaos por siete compañíes, de los que 13 son internacionales (Ámsterdam, Bruxeles, Dublín, Düsseldorf, Frankfurt, Lisboa, Londres Gatwick, Londres Stansted, Milán, Múnich, París, Roma y Venecia) y 16 nacionales (Alicante, Barcelona, Fuerteventura, Granada, Gran Canaria, Eivissa, Lanzarote, Madrid, Málaga, Mallorca, Murcia, Menorca, Sevilla, Tenerife Norte, Tenerife Sur y Valencia). Estes conexones materializáronse gracies al impulsu que’l Gobiernu d’Asturies dio al programa de promoción aérea internacional, según a les xestiones realizaes pola Conseyería de Mediu Rural y Cohesión Territorial coles distintes aerollínees.
