La Peña de los Cuatro Xueces, de 662 metros d’altitú, ye la llende de los conceyos asturianos de Xixón, Villaviciosa, Sariegu y Siero.
- Fonte: Youtube / Ax1 Ahora
- Grabau con DJI MINI 2.
- Música: «Enchanted Forest» de https://www.fiftysounds.com
- Peña de los Cuatro Xueces: wiki /RTPA /
Nella atopamos una gran piedra (restos d’un antiguu dolmen) a manera de mesa arrodiada de cuatro más a manera de sielles, onde la tradición diz que d’antiguo s’axuntaben los xueces de los cuatro conceyos para tratar sobro asuntos comunales, como l’aprovechamientu de les camperes, los montes y la caza. Dende 1983 recuperóse esti costume, y dende entós avanzada la primavera, celébrase xuna fiesta campestre a la qu’alleguen rexidores y vecinos de los cuatro conceyos. Como vemos nel videu, amás d’estes roques históriques, asitióse xuna gran mesa de madera na qu’apaecen marcaos llinden de cada conceyu colos sos respectivos cuatro bancos.
Un paséu pa ver el mar Cantábricu y los Picos d’Europa
La ruta de La Peña los Cuatro Xueces pue entamase en Candanal, Pion, El Monte Deva, en Xixón o L’Altu Fumarea, en Siero, la más accesible pa los coches. Nel camín atopamos un monte de pinos y árboles autóctonos. Amás ye un mirador empobináu hacia dellos valles y tamién tien, nel altu, un área recreativa.
Al final llegamos a la unión de los conceyos de Villaviciosa, Sariegu, Siero y Xixón. Atopamos les peñes a manera de mesa y una siella pa cada alcalde, amás d’otra colos escudos de los conceyos. Tamién cuatro árboles plantaos por cada consistoriu. En 1983 recuperóse la tradición d’axuntase, pa perdese de nuevo en 2010.
El premiu al acabar la ruta ye algamar la cima y ver dende ella’l Cantábricu y los Picos d’Europa. Pel iviernu, El Picu Fariu ye’l primera altu n’amosase neváu de la zona, como socedió na pasada borrasca Filomena, de la qu’entá queda dalgún resclavu.
