Publicado en NATURA

Afayen a un nanocamaleón, el reptil más pequenu del mundu

Apenes del tamañu d’una grana de xirasol, afayóse un nuevu *nanocamaleón nes selves de Madagascar que podría tar gravemente amenaciáu.

Nes fondures de la selva norte de Madagascar, un equipu de biólogos columbró la que podría ser la especie de reptil más pequena en tol mundu. Escasamente del tamañu d’una grana de xirasol, el nanocamaleón quepe perfectamente na punta un furabollos (dedo gordo) humanu. Café, de güeyos tresmandaos y verdaderamente minúsculu, l’afayu d’esti animal refundia lluz sobro l’entendimientu sobro la fauna d’esta isla africana.

Monte Fandriana Ambohitralanana, Madagascar. Semeya: Getty Images

Publicáu na revista científica Nature, el nome oficial d’esta especie ye Brookesia añada. Pol so tamañu, los científicos encargaos del estudiu asumen que sobrevivi comiendo ácaros y otros animales microscópicos, que xeneralmente caza ente la campera de Madagascar.

Esti afayu, lideráu pola herpetóloga malgax Andolalao Rakotoarison, reta les llendes que se creíen posibles del tamañu corporal de los animales vertebraos. Ablucada poles dimensiones del reptil, anunció nun comunicáu que “A la primer vista, dimos cuenta de que yera un descubrimientu importante”.

Esto ye asina porque comparte toles característiques básiques de los sos pares más grandes: xuna #lengua proyectil pa cazar, la capacidá de camuflase, y güeyos tresmandaos que pueden mirar 360º. Sábese, amás, que s’alimenten mientres el día, pa folgar ente la yerba africano mientres les nueches.

Un futuru difusu nanocamaleón

Fotografía: FRANK GLAW, ZOOLOGISCHE STAATSSAMMLUNG MÜNCHEN

Los estudios a cuenta de nanocamaleones daten de 2012. Casi xuna década más tarde, namá se repararon en llaboratoriu un machu y xuna fema, polo que resulta difícil xeneralizar con al respective de los demás exemplares disponibles. Sicasí, sábese que les femes son de dimensiones mayores que los machos, un fenómenu denomináu como dimorfismu sexual.

Pa determinar qué tan vieyos son, los científicos de Madagascar optaron por esaminar los xenitales de cada unu. Esto ye asina porque, cuando son más nuevos, los sos órganos sexuales paecen globos llisos. Sicasí, conforme pasen los años y maurecen, se complexizan.

Lamentablemente, el futuru del nanocamaleón ye difusu. Acordies con Rakotoarison, el monte onde ta’l so hábitat natural ta afaráu casi por completu. Esta degradación compromete *severamente la so subsistencia. Sicasí, la Unión Internacional pal Caltenimientu de la Naturaleza ta analizando los medios pa caltener los exemplares disponibles y consiguir árees naturales protexíes por que pueda vivir en llibertá.

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *