Publicado en NATURA, Semeyes

La revista TIME escueyi como una de les semeyes del añu…

La revista TIME escueyi una semeya d’Emilio Morenatti de La Palma como una de les semeyes del añu. VER

Una imaxe realizada pol español Emilio Morenatti qu’amuesa un paisaxe de la isla canaria casi dafechu cubierta pola ceniza del volcán Cume Vieyu creando una estampa insólita.

Esta imaxe ye namá una de les munches que’l fotógrafu tomó en La Palma y qu’amuesen otru de los efectos del volcán que ta afectando la vida de los sos habitantes más allá de la lava.

/

Morenatti ye unu de los nuesos fotoperiodistes más importantes, fotógrafu xefe de l’axencia Associated Press para España y Portugal y premiáu en numberoses ocasiones.

Ello ye que fai namá unos meses foi noticia al recibir el premiu Pullitzer de periodismu por una imaxe de dos vieyos mientres el confinamientu provocáu pol COVID-19.

Claro que la imaxe ye namá una de les 100 semeyes escoyíes por Time para ilustrar un añu que, ensin dulda, tuvo llenu d’acontecimientos que s’afiguraron n’imaxes.

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *