- Fonte: RTPA / No soy digno de tu amor /
«EL DENGUE: I XORNAES D’ESTUDIU
DE LA INDUMENTARIA ASTURIANA -LUIS ARGÜELLES-«
El so orixe, variedaes y el papel que cumplió na moda femenina del sieglu XIX alderíquense na xornada
/ 
Nacíu na Asturies rural, ye a finales del sieglu XVIII y principios del XIX, cuando al calor de la industrialización y de la nacencia de la burguesía, queda afitáu’l modelu de traxe tradicional asturianu y por estensión el dengue coles sos variedaes xeográfiques como esplica Lilián Suárez, especialista na indumentaria tradicional asturiana, con dengues más anchos nel occidente, de tamañu normal nel centru y más estrechos nel oriente asturianu.
Ye nesi periodu nel que’l dengue adopta tela más refinao y nueves formes decoratives. Esta pieza va tener un papel fundamental, nun periodu nel que la muyer cambia la so manera de presentase énte la sociedá n’Asturies como asegura Fe Santoveña, especialista na indumentaria tradicional asturiana.
La fotografía, nacida al empar que lo faía lo que se conoz como indumentaria tradicional asturiana, conviértese na principal fonte d’estudiu de la evolución del dengue. Alfonso Fernández, director del Muséu la Gaita, esplica que’l dengue convirtióse naquella dómina nun atrezo d’un grupu de baille o de dalgún tipu d’actu social onde convién presentase amosando la identidá asturiana, daqué qu’amuesa perfectamente la fotografía.
Asina hasta anguaño, en que’l dengue sigue siendo una seña d’identidá de la cultura asturiana.
