Publicado en Ciencia, Reconocimientu

La científica asturiana Margarita Salas, sellu d’honor de Correos n’homenaxe a la so carrera

Sellu de Correos n’homenaxe a Margarita Salas, científica reconocida nel estudiu del ADN y una gran pionera. Pertenez a la serie «Muyeres na Ciencia».

Esti sellu va formar parte de la Esposición Filatelia y Sellos que dende’l pasáu avientu puede vese nel Hospital 12 d’Ochobre de Madrid, y que va tar presente hasta’l 10 de setiembre de 2021. Xuna esposición qu’amuesa como la filatelia representó tolos aspeutos de la salú, a lo llargo de la hestoria.

Formatu: Sellu en pack de 5 (preciu unitariu tarifa 1.5€)/ Material: Estucado, engomado, fosforescente / Impresión: Offset / Tamañu del sellu: 40,9 x 28,8 mm / Fecha Publicación: 29 Xunu 2021 / Tirada: 160.000 exemplares / Productu exentu d´IVA.

L’actu que tuvo llugar nel hospital madrilanu 12 d’Ochobre cuntó cola presencia del conseyeru asturianu de Ciencia, Borja Sánchez.

/

Margarita Salas (Asturies, 30 de payares de 1938 – Madrid, 7 de payares de 2019) empecipió col so home, Eladio Viñuela, el desenvolvimientu de la Bioloxía Molecular n’España. El so estudiu del fago Phi29, un virus qu’infecta bacteries, tomó tolos aspeutos de la Xenética Molecular, dende la información contenida nel so ADN hasta la espresión xénica y l’ensamblaxe de la estructura del virus.

Xuan Manuel Serrano Quintana, presidente de Correos con Lucía Viñuela Salas, fía de Margarita Salas.

Correos homenaxó güei, a títulu póstumu, a la bioquímica asturiana Margarita Salas, una de les mayores científiques españoles del sieglu XX, y fízolo acuñando un sellu honoríficu col que se valora la so gran contribución a la ciencia. La valdesana discípula del médicu y científicu Severu Ochoa que “nun concebía la vida ensin investigación”, trabayó nel so llaboratoriu del Centru de Bioloxía Molecular homónimu al so maestru, hasta’l so fallecimientu a los 80 años, en payares de 2019, dexando tres de sí una vida llena ésitos y d’aportaciones científiques de gran caláu. Ente les sos munches investigaciones destaquen la determinación de la direccionalidá de la llectura de la información xenética, llabor que desenvolvió mientres la so etapa nel llaboratoriu del Premiu Nobel Severu Ochoa, y el descubrimientu y caracterización d’una de les proteínes más importantes qu’esisten, l’ADN polimerasa del fago Phi29, un virus qu’infecta a la bacteria Bacillus subtilis y que ye *inocuo pal ser humanu.

Al actu, que tuvo llugar nel Hospital 12 d’Ochobre de Madrid, asistieron xuntu al presidente de Correos, Xuan Manuel Serrano Quintana, la directora xerente del Hospital Universitariu 12 d’Ochobre, Carmen Martínez de Pancorbo González; el profesor Jesús Ávila De Grau, unu de los primeros discípulos que se formaron nel llaboratoriu de Margarita Salas; la fía de Margarita Salas, Lucía Viñuela Salas, y la directora xeneral d’Investigación, Docencia y Documentación de la Conseyería de Sanidá de la Comunidá de Madrid, Teresa Chavarría Jiménez.

Amás, l’homenaxe cuntó cola presencia del conseyeru asturianu de Ciencia, Innovación y Universidá, Borja Sánchez.

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *