Publicado en Sin categoría

Antroxu d’Avilés: Descensu de Galiana

La multitú foi la protagonista nel esperáu Descensu avilesín

La peña ‘El Puntazu’ col so ardiluxu ‘Alicia en el País de las Mascarillas’ ganó’l primer premiu del Descensu de Galiana per delantre de ‘Abuelo Anselmo’, ‘Los Arrexuntaos’ y ‘Ébano’. Un Descensu qu’acabó pasaes les 22:30 y onde la multitú foi la protagonista.

Ye la primer vegada que la peña ‘El Puntazu’ gana’l primer premiu, por ‘Alicia en el País de las Mascarillas’, dempués de dellos años quedando segundos.

Una recreación de la película infantil enllena de detalles y onde pudimos ver hasta l’alcalde de Cuideiru esfrutando de la fiesta avilesina.

‘El Antroxu Interminable’ de la peña ‘Abuelo Anselmo’ foi’l segundu premiu del Descensu con un ardiluxu con munchu movimientu. Y en tercer llugar quedaron ‘Los Arrexuntaos’ cola alegoría asturiana de ‘Alicia en el País de la sidra’, que llució ente la espluma de Galiana.

La peña ‘Ébano’, ganadores de los dos últimos descensos, tuvieron que conformase cola cuarta plaza col so ardiluxu de fantasía y que sorprendieron con una aplaudida coreografía na plaza del Ayuntamientu.

Los ardiluxos qu’evocaron a la película Aladdín y a Peter Pan tamién fueron premiados nun Descensu multitudinariu, qu’acabó pasaes les 22:30.

 

 

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *