Publicado en Día de...

Día Internacional de la mazana

Celebramos güei el Día internacional de la Mazana “Apple Day y que meyor forma de celebralo que coles 76 variedaes de mazana acoyíes a la DOP Sidra d’Asturies.

Un motivu más para esplicar cuálos son les munches bondaes d’esti frutu. Esti día suel celebrase especialmente ente los británicos y nómasel’Apple Day, yá que cunten con una gran cantidá de variedaes. Esti día estableciose nel país pola asociación Common Ground que, mientres esta selmana, realiza eventos onde la mazana ye total protagonista.

Nel Día Internacional de la Mazana desglosamos porqué ye importante comer esta fruta. Pos apurre munchos beneficios pa la salú.

El meyor pica pica

Lo cierto ye que la mazana cunta con un efectu saciante bien importante. Con ello desvélase que ye un bon tentempié y pica pica bien sanu. De manera que ye perfecta pa tomar ente hores primero que tomar daqué azucarao que nun nos va a sentar tan bien.

Gran cantidá de fibra

Otra de les razones poles que tomar mazana ye porque cunten con una importante cantidá de fibra y beneficia a les dixestiones pesaes. Contribúi a regular el nuesu intestín y a ameyorar el tránsitu intestinal.

Efectu quemagrasas

La mazana apurre un poder quemagrasas y endelgazador abondo importante. Esto ye pola fibra y tamién por contener pectina. Por tanto, ye bona cuando tamos faciendo dieta y tamién cuando non, por tanto, podemos tomar en munchos tipos d’ocasiones.

Protexe’l nuesu corazón

Esta fruta ye bien saludable. Ello ye que protexe’l nuesu corazón de desenvolver enfermedaes que pueden tar rellacionaes con ésti. La pectina vuelve ayudar nesti casu, porque amenorga’l colesterol malu nel sangre.

Permedia los niveles d’azucre

Esta fruta ayuda a permediar los niveles d’azucre en sangre. Pos amás ye favorable p’aquelles persones que sufren diabetes porque retrasa l’absorción de glucosa nel intestín.

Bones contra l’avieyamientu

Esti día va bien pa recordar que tenemos de mercar mazanes y comeles mientres acaldía. Otra de les razones de los sos beneficios ye qu’amás contienen antiosidantes. Un fechu que previen l’avieyamientu prematuru de la piel, pos dexa la piel muncho más bello y nueva, contribuyendo a ameyorar la oxidación celular.


/

Esti día tien los sos raigaños nes munches y variaes celebraciones culturales en tol mundu nes que se rinde homenaxe a la mazana, y anguaño celébrase en distintes feches y de formes diverses en dellos países del mundu, onde esiste tradición de producción y consumu, adoptando diverses denominaciones. Los dos principales son el Día Internacional de Comer una Mazana”, que se celebra’l tercer sábadu de setiembre, y el Día Internacional de la Mazana” (Apple Day), que se celebra’l 21 d’ochobre, siendo esta celebración la que más espardimientu algamó n’Europa, EEXX y otros países d’influencia anglosaxona.

 

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *