Sidra Roza llogra’l títulu de ‘Meyor Primer Sidre l’Añu’
Empieza la ponte festiva y pa los amantes de la sidra, la cita ta en Xixón. Vuelve al Muséu del Pueblu d’Asturies la ‘Primer Sidre l’Añu’, una cita que nesta edición axunta a 38 llagares. Sidra Roza llogró’l títulu de ‘Meyor Primer Sidre l’Añu’ tres una igualada final.
- Fonte: RTPA / La Sidra.as / Sidra Roza /
- Races de mazana / cartelu /
Como ye vezu, esta fiesta sidrera vien acompañada d’una gran cantidá d’actividaes rellacionaes col mundu de la sidra. Cientos de persones axúntense sobre la bébora tradicional asturiana, nun acontecimientu de gran ecu social, nel que cultura, entretenimientu, tradición y gastronomía van de la mano.
convirtióse por méritos propios na mayor espicha del país
LA SIDRA.- La Primer Sidre l’Añu –PSLA–, qu’esti añu fai la so decimu tercer edición, tornará vivise per tolo alto del 6 al 9 d’abril nel Muséu del Pueblu d’Asturies, n’horariu, el xueves de 13:00 a 21:00 hores; el vienres y el sábadu, de 12:00 a 21:00 hores y el domingu, de 12:00 a 18:00 hores.
La PSLA, ye ún de los pocos eventos declarados de “raigambre social” pol Ayuntamientu Xixón, y ta entamada pola Fundación Asturies XXI col sofitu de la revista LA SIDRA, Xixón Turismu, la Conseyería de Mediu Rural y la Caxa Rural de Xixón, siendo una de les grandes artífices de que la reconocencia de la cultura sidrera asturiana como Padremuñu Cultural Inmaterial de la Humanidá pola UNESCO, tea daqué más prósima de ser una rialidá.
Miles de presones tornarán axuntase, en Selmana Santa, nel Muséu del Pueblu d’Asturies alrodiu la bébora tradicional asturiana, gracies a la cellebración de la Primera Sidre l’Añu, un eventu bien familiar y perenraigonáu na ciudá, nel que cultura, ociu, tradición y gastronomía van de la man. Una gran oportunidá p’averase al mundiu la sidre.
La Primer Sidre L’Añu ye la mayor espicha d’Asturies, un tiempu y un espaciu nel qu’esfrutar cola familia, colos collacios… de la bona sidre y del meyor ambiente.
Ensin prieses nin apuros, xugar, baillar, canciar, tomar unos culinos, y forrar bien, que la folixa pide tener el banduyu bien servíu…
