Publicado en NATURA

Ónde ver la berrea: un espectáculu de la naturaleza que paga la pena

Unu de los espectáculos más increíbles qu’ufierta la seronda d’Asturies ye la berrea. Un espectáculu ensin igual del que los amantes de la naturaleza pueden esfrutar tolos años dende mediaos de setiembre hasta payares. Una exhibición qu’amiesta los colores guapos del monte asturianu na seronda con un ritual animal que lu val la pena ver.

El procesu natural de cortexu ye un ritual animal nel que los machos venaos (ciervos) compiten pol poder, la fortaleza y la xerarquía de la esquitada frente a les femes. El más fuerte va caltener el so llinaxe una xeneración más, ente que los más débiles munches vegaes acaben siendo comida de llobos, utres y otros carroñeros qu’aprovechen esta situación. El ritual consiste en que los machos peguen berríos bien fuerte para atraer a les femes y asustar al restu de los machos. Lluchen cuerpu a cuerpu ente los animales ye feroz, embistiéndose ente sí faciendo un ruiu atronador y selvaxe, bien paecíu al d’un españíu que resonara nel cordal. El reclamu a les femes ye ensordador, y la tensión apalpalpase en cada llucha y cada berríu.

En FRONTERA VERDE AVENTURA ufiértente la oportunidá de ver de barganal el magníficu espectáculu de la berrea en delles localicaciones: nel Parque Natural de Ponga, nel Parque Natural de Redes y nos conceyos d’Ayeri, Piloña y Nava. Los horarios varien según la localización na que decidas ver berrar, anque, como norma xeneral, hai dos opciones: xuna salida pela mañana (de seis a una del mediudía), na que vas ver amanecer y otra pela tarde (de cuatro a nueve), na que vas ver atapecer y vas faer xuna ruta nocherniega de regresu.

Pa realizar esta salida, FRONTERA VERDE encamienta dir forníu con una mochila pequena con agua y comida, calzáu de monte qu’abrigue y protexa el todíu, ropa d’abrigu (pantalón llargu, camiseta térmica, xerséi, chaqueta…), forru, bufanda y guantes. La tarifa de 40 euros inclúi tresporte a Cangues con regresu, empón especializáu, frontales pa cada tripulante y usu de telescopiu y prismáticos (a compartir). Toa xuna aventura, pa la que puedes ampliar información na so páxina web.

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *