Publicado en Curiosidaes, NATURA

La neña selvaxe que creció ente los animales de la sabana africana

/

La neña selvaxe que creció ente los animales de la sabana africana (y les sos precioses fotografíes en llibertá). Agora, la pequeña que vivió per años na sabana africana ye xuna cineasta ambientalista.

Sacante porque Mowgli, el protagonista del famosu llibru de cuentos The Jungle Book, foi criáu por llobos, la pequeña Tippi Degré podría ser l’exemplu de que la fantasía enxamás ta demasiao alloñada de la realidá.

Esta neña creció na sabana africana, ente animales selvaxes. Tippi Degré agora tien 30 años y ta nacionalizá como francesa, pero nació en Namibia. Los sos padres, fotógrafos de la vida montesa, decidieron establecese ende y llevar la so pasión pola naturaleza más allá.

Nos territorios cerbunos de Suráfrica criaron a la so fía, quien pasó ende los so primeres 10 años de vida. Ende fíxose amiga de lleones, chitas, avestruces, y aprendió a montar elefantes –animales colos que tuvo un llazu especial, quiciabes pola peculiar intelixencia social qu’estos animales tienen–. Tamién tuvo contactu con tribus: los himbas y los bosquimanos. La esperiencia sirviólu a Tippi pa dir más allá de les estepes de la ficción. Porque ella protagonizó documentales y escribió llibros que sirven como ventana al mundu natural pa toos nós.

Amás, esta neña convirtiose nuna activa vocera ambiental en pro del caltenimientu, polo cual llogró un premiu nel añu 2001 per parte del World Wide Fund. Anguaño ye parte del Festival Internacional del Mediu Ambiente, na sección pa neños, y deseya dirixir películes con causa, como diz na presentación de la páxina oficial del FICMA:

Dirixiendo películes nel futuru espero poder reconectar a humanos y animales, tal como siempres supi que tuvieron conectaos nel empiezu de los tiempos.

Xuna amuesa de la capacidá que la naturaleza tien pa sensibilizanos y ponenos en sintonía colo que realmente importa.

/

De siguío dalgunes de les meyores fotografíes de Tippi na so redolada natural, que por cierto nos recuerden que, resumides cuentes, toos pertenecemos a la naturaleza.


Na actualidá

/

La mio vida dexó de ser privada, yá nun yera mio. Cuando dexamos definitivamente África ya instalamos en Francia, sentíame bien sola y confusa. Perdiera la mio infancia n’África y nun quería afaeme a la mio segunda vida. Vivía nel pasáu y el fechu de que tol mundu falara d’una vida que yá nun esistía para mi fízolo tou más difícil. Tenía qu’aceptar qu’aquella vida terminárase y que tenía per delantre otra que, siendo distinta, tamién podía ser bona.

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *