- Fonte: VER ASTURIES
- Artículu: La hestoria del himnu d’Asturies
Si en daqué tamos d’alcuerdu los asturianos ye que tou o casi tol mundu conoz l’himnu d’Asturies o, siquier, parte d’él. Sicasí, a pesar de ser unu de los himnos más conocíos, non muncha xente conoz el so orixe y hestoria. Ye por eso que güei, en VerAsturies, cuntámosvos como surdió esti cantar a empiezos del sieglu pasáu.
Para empezar esta hestoria tenemos que remontanos a la primer metá del sieglu XX. Ye nesta dómina cuando un músicu cubanu, llamáu Ignacio Piñeiro y con padre asturianu (concretamente del conceyu de Grau), va crear l’actual himnu d’Asturies. Nel añu 1926, el padre d’esti músicu va tornar a la so tierra natal dende Cuba. Ye entós cuando Piñeiro, movíu pola murnia d’esti regresu compon la música y lletra del «Asturies, patria quería».
Ignacio Piñeiro empieza a tocala en toles fiestes de los emigrantes asturianos en L’Habana y en salones como La Tropical. Ye según el cantar, mientres los dos años siguientes, popularizase na capital cubana y llega hasta España por causa de la emigración y la comunicación qu’había con Asturies.
El músicu cubanu viaxa en 1929 a España. Sicasí, cuando llega a Asturies atópase cola murnia noticia del fallecimientu del so padre. Énte ello, decide camudar la lletra y tocalu nos sos conciertos asturianos. Darréu, torna a Cuba y, en 1930, rexistra en L’Habana el «Asturies, patria quería».
Sicasí, la hestoria nun acaba equí. La música creada por Ignacio Piñeiro surdió tres una base escoyida d’un cantar de la rexón polaca de Silesia, por causa de los movimientos de población entre Asturies y Polonia, principalmente pola minería, y que yá yera popular ellí nel sieglu XIX.
Darréu, nos años 50, va popularizase n’Asturies, al convertise na tema oficial» de la Fiesta de les Piragües. Finalmente, el 27 d’Abril de 1984, ye declarada himnu oficial del Principáu d’Asturies.
