- Fonte: El Fielato /LNE/ La Voz /
El Grupu El Campanu foi’l que más puxó na puya de Cangues d’Onís. 9.200 euros + 2.500 euros pol Campanu del Sella y d’Asturies.
El Grupu El Campanu, con sidreríes-restaurantes en Ribesella y Xixón foi’l que más puxó güei na puya celebrada en Cangues d’Onís, para llevase’l Campanu del Sella y d’Asturies, que pescaba esta mañana José Luis Vega Tomás «El Pali», en Villanueva.
José Luis Vega Tomás «El Pali», pescador cangués, echó a tierra’l Campanu del Sella y d’Asturies, en zona llibre, mui cerca de la so casa de Villanueva. El pexe pesó casi 3,5 quilos y de cebu, el pescador utilizó merucu y esguila/quisquilla.
El Campanu xubió la puya hasta los 9.200 euros pol pexe de 3,250 quilos. El pescador, amás llévase los 2.500 euros que’l Conceyu concede al pescador qu’echa a tierra’l Campanu del Sella y apuerta a puxalo en Cangues d’Onís.
La so captura, con cebu natural, nun foi difícil, apuntó, cuidao que en «ocho o nueve minutos» pudo sacar al exemplar del ríu.
El campanu’ pescóse nel primer día arteru de la temporada del salmón con muerte que se va enllargar hasta’l 15 de xunetu, con un cupu d’un exemplar por pescador y día y un máximu de dos pieces per llicencia y temporada.
