LLUNES
Empezamos la selmana con una mínimes bien fríes en Cantabria y Asturies tres una nueche estena. Les nubes de tipu alto vanse a dir arimando de Galicia escontra l’este mientres el día, y van llegar a tapar toa Asturies y media Cantabria para la nueche, xusto nel momentu en que un pequenu frente de precipitación, toque tierres gallegues pel oeste.
A partir del mediudía, curiáu col vientu en zones de mariña, y cuanto más al este, más curiáu, una y bones el nordeste va apertar fuerte y va llevantar el mar coincidiendo col momentu de pleamar, y unos porcentaxes altos de marea, asina que curiáu na mariña. Les máximes de güei, sobro los 15, con una sensación térmica, que va ser un pocu más baxa y que nos fadrá caltener la CAPA +1, a pesar del sol.
MARTES
Estenu en tol norte. D’este a oeste. Con muncho vientu de NON mientres tol día, y graos llindaos a los 15. La mar, va tar preciosa, pero pa vela con cuidu y respetu, que nun sevos escaeza. CAPA +2 ensin sol. Posibles gotes pela tarde na mariña mediterránea.
MIÉRCOLES
Madrugada XELADORA, de xelaes, con un día alternando cielos estenos al 100% y nube alta que nun va estorbar pa nada el día de sol. De nuevu’l vientu va algamar velocidaes importantes pero menos que’l martes. Entá asina, sensación térmica per debaxo de los 15 y si busques un sitiu al sol, pero abelugáu de *NE, vas pasar calor. Bien bon día y nueche fría pa les procesiones. CAPA +1
XUEVES SANTU
Día dafechu estenáu en tola península, y de xacíu nel norte, col vientu calteniendo l’este, y xuna madrugada de nuevu XELADORA. Ye’l preciu que pagamos pelos díes estenos, xunas nueches y madrugaes xeladores con máximes que van lluchar enforma por pasar de los 15. Día de luxu.
VIENRES SANTU
Otru día de sol, pero con una diferencia: l’aire frío que teníamos enriba vanos , #mover al este, y va dexar que’l vienres, pasemos de los 15 graos y averemos a los 20. Pue que aumentemos daqué la nubosida a media tarde, pero eso ta por comprobar inda. de nuevu, otru día de luxu.
SÁBADU
Día con más nube de tipu alto para tol día. Vamos Pasar de los 20 y les madrugaes yá van ser menos fríes, tando barganal de los 20. Si queríamos un bon sábadu, vamos tener al 80%, pero en secu, eso sí. Secu en toa España, por cierto.
DOMINGO
Paez que s’estropiaría para la tarde, pero esto yá tenemos tiempu de concretalo’l xueves. Pel momento, quedamos con que la mañana pasará en secu y veremos ver si nos llueve pela tarde. Caltenemos vientu norte.
RESUME
Selmana Santa de sol. Con vientu de componente norte. En secu. Salvo pola tema de que los graos nun van xubir enforma, ye la Selmana Santa suañada por toos. Y a lo último paez que vamos tener xuna bona Selmana Santa por que toos esfrutemos, les procesiones salgan ensin problemes nin plasmos, y toos, podamos esfrutar d’unes fiestes más que merecíes.
Espero les vueses semeyes y vídeos. De la sablera, monte, procesiones, rutes, de too. esfrutemos d’esta selmana, y compartamos por que los que nun pueden faelo, puedan velo en cierta manera.
