Publicado en Horru

Bioclimáticos, sostenibles y con dellos sieglos de vida: l’ayalga cultural d’Asturies

 

Convidamos a viaxar pola rexón al traviés de los horros y les paneres, nun percorríu que derruempe’l tiempu, la orografía y la cultura.

Bioclimáticu, sostenible, ecolóxicu y del sieglu XV. Nun tas suañando nin lleísti mal. Fai yá cinco sieglos, los pueblos faíen lo posible por sobrevivir respetando la redolada. Esos cuatro característiques que se citen na primer frase d’esti reportaxe nun correspuenden a modernes construcciones llevantaes dempués del 200 nin a punteros medios de tresporte. Tamos falando de los horros y les paneres, dos de los elementos constructivos más típicos de l’Asturies rural, que chisquen el paisaxe que xuno afaya cuando se pierde pel interior del Principáu. Ye habitual atopalos al pie de una vivienda o concentraos en dalguna localidá.

Los horros tuvieron y tienen, en toles xeografíes onde’l clima favoreció la so apaición, la misión de tenada, d’almacén, sobremanera para caltener la collecha del mugor y de los royedores y otres alimañes que pudieren estropiala de manera irreparable. Fueron, poro, un inventu anónimu pero clave para la supervivencia humana, recordándonos d’ónde venimos.

Vamos viaxar nel tiempu y nel espaciu para cuntate daqué de la so hestoria y para afayate ónde puedes alcontralos.

Un pocu d’hestoria

Quiciabes espertáramos yá’l to interés, daqué que-y asocedió a la reina Victoria Eugenia de Battenberg, na inauguración de la Esposición Iberoamericana de Sevilla de 1929, na que participaba Asturies. El monarca, d’orixe inglés, afayó nel pabellón del Principáu fotografies d’horros, una construcción que nun viera enxamás. Asina que propunxo instalar unu na cortil para la clausura, que se diba a celebrar seis meses dempués. Una familia de conserveros de Candás, los Alfageme, dexaron el suyu y treslladóse a Sevilla. La reina volvió visitar el pabellón asturianu y pudo ver en primer persona cómo yera ese singular tenada elevada. Casi un sieglu dempués, esti horru foi restauráu, pertenez al Conceyu de Carreño y lluz nel parque de la Fonte de los Ánxeles, de Candás.

L’historiador Julio Zapico, vicepresidente de l’Asociación d’Amigos del Horru Asturianu, esplica que, nos sos oríxenes, nun yeren edificios populares, sinón que pertenecíen a la nobleza y fuéronse popularizando col pasu del tiempu. Un horru del sieglu XV yera daqué verdaderamente relevante. Ye más, Zapico esplica que l’orixe de los horros y la fundación del Principáu d’Asturies cuerren de forma paralela. Ente los miles d’horros que se parten polos pueblos y aldegues asturianes, entá se caltienen auténtiques xoyes. Lo qu’antaño foi -y a día de güei sigue siendo- un estupendu métodu d’almacenamientu, güei ye xuna increíble amuesa de les costumes y l’etnografía de la rexón.

Los estilos

Nun esiste un únicu modelu constructivu. Eso vas afayalo llueu, en cuanto hayas vistu dos o trés horros o paneres. Asina que s’ellaboró un catálogu con trés estilos distintos.

L’estilu Villaviciosa supon la manifestación del arte asturiano en madera más antiguo. Emplega principalmente dos técniques: talla y pintura. El so ornamentación ye bien abondosu y aplícase a les vigues qu’escurren sobro les parés. Tamién suel estendese a les mesmes parés pero por cuenta de les intenses precipitaciones del norte la ornamentación que se caltien ye escasa. Les pintures que más destaquen son los xeométricos, arrexuntaos en series. Tamién pueden trate figures humanes o animales. Tamién se caracteriza por tener un arcu sobro la puerta d’entrada similar a les portaes romániques.

L’estilu Carreño ye más característicu de la zona central de la mariña asturiana. Tán llargamente decoraos con colores llamativos sobro guapes talles. Los motivos más emplegaos son los florales y xeométricos, que suelen asitiase nel frente, nes parés y nes puertes.

L’estilu Ayande data de los sieglos XVII y XIX y acomúñase principalmente a les paneres. Tán decoraos con grandes círculos trazaos a compás y escuadra, asitiaos nes tables de la paré. Nes paneres apaecen por pares y cola fecha de construcción y la firma de los carpinteros.

Amás, tán los beyuscos, un términu qu’alude al escobiu de Los Beyos, qu’escurre ente Asturies y Llión, dende Amieva y Ponga a Oseya de Saxambre. Nesta zona alcuéntrense estos horros, unu de los modelos más primitivos, alzaos sobro terrenes bien serrapatosos, que tien un teyáu a dos agües y escarecen del tradicional corredor de les construcciones del restu de territoriu asturianu. Caltiénense bien pocos exemplares. Considérase que son un fiel testimoniu de la tipoloxía dominante nes tenaes asturianes antes de la imposición del horru tipu asturianu d´engüelgos, con esa cubierta a cuatro agües.

Aventúrate a afayalos

Salimos a la carretera pa ver esactamente cómo son. Podemos empezar por dalgún d’esos que lleva cinco sieglos albentestate. En Buda, xuna aldega del valle de Caldueñu (Llanes), lluz un horru del sieglu XV. Non solo la so antigüedá, tamién les talles y les pintures conviertenlu nuna pieza bien orixinal. Un exemplu: xuna cabeza de culiebra ye’l pestiellu de la puerta. Si mueves a la localidá de Migoya, en Villaviciosa, entós vas poder esfrutar l’horru de Manuel Muslera, xuna construcción de finales del XV o principios del XVI. Ta consideráu como xuno de los horros «patrón» d’Asturies, esto ye, el modelu más fiel. Los sos cuatro alzaos tán tallaos, al igual que’l cuadru cimeru de les vigues y les tables verticales que formen la cámara del horru. Tien unos elementos decorativos astrales, rellacionaos col ciclu añal del sol.

Una vegada en Villaviciosa, ye imposible escapar a la tentación de percorrer la localidá de Sietes y de visitar La Casa’l Horru. A tan solo once kilómetros de la capital del conceyu atopa esta localidá que caltien unu de los conxuntos d’horros y paneres más importantes d’Asturies, construyíos ente los sieglos XVI y XX. La Casa L´Horru ye un centru que s’alcuentra nel Casino y que foi construyíu en 1928, gracies a los donativos de los vecinos qu’emigrara a L’Habana.

Otra bona opción ye visitar el Centru d’Interpretación del Horru. El centru llevanta un edificiu modernista que nada tien que ver cola clásica tenada. Cuenta con paneles interactivos que dexen conocer meyor esti elementu arquitectónicu, los sos oríxenes, la so evolución, o intereses. Ta asitiáu na localidá de Bueño, a pocos kilómetros d’Uviéu. Nes sos cais, amás, vas poder esfrutar en carne propio del encantáu de pasiar por un pueblu chiscáu d’estes obres d’arte de la etnografía asturiana. Llevántense un total de 46 d’horros y paneres que suman 222 pegoyos, que ye’l nome col que se conoz a les pates sobro les que s’alcen. Once fueron construyíos mientres el sieglu XVIII. El más antiguu, asitiáu nel corazón del pueblu, llevantose nel sieglu XVI y destaca poles sos grueses vigues de madera. Habilitóse xuna ruta interpretativa qu’empón a los visitantes al traviés d’un percorríu llaráu de paneles con testos y dibuxos onde conocer el pervalible legáu del patrimoniu etnográficu qu’atesora.

Espinaréu, en Piloña, camín del oriente, ye unu de los pueblos con más horros de la rexón. Suma 20 horros y seis paneres y constitúi unu de los más escepcionales conxuntos patrimoniales tradicionales d’Asturies. Nesta atopadiza aldega, bañada pel ríu del mesmu nome, los horros cobren vida propia. Dende’l sieglu XV hasta’l XIX, toos y cada unu distintos, coles sos variaes decoraciones y talles. Abargana d´Espinaréu atópase la área recreativa de La Pesanca, dende onde arrinca la Ruta Foces del Río Infiernu. Ye xuna escelente opción pa completar la visita.

P’averate a tolo que t’ufierta’l Paraísu Natural non dexes de visitar @www.turismoasturias.es

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *