Publicado en Tresportes

Primer pasu d’un tren pela variante de Payares, que va tar en pruebes “hasta lo último del 2022”

Tren llaboratoriu d'Adif prueba variante de Payares

Na semeya, les autoridaes polítiques posen en La Robla xunto al primer tren que percorrería la variante de Payares

Diecisiete años depués del entamu de les obres, un tren pasó pela variante de Payares. Una xornada calificada como “histórica” poles autoridaes polítiques, pero que nun dexa una fecha concreta pa la so apertura al tráficu, con pruebes previstes “hasta lo último del 2022”, según confirmó la ministra Raquel Sánchez Jiménez.

A les 10.22 tomaba la salida el tren llaboratoriu d’Adif de La Robla. Xunto a la responsable de Tresporte, Movilidá y Axenda Urbana, el presidente Adrián Barbón y el de Castilla y Lleón, Alfonso Fernando Fernández Mañueco.

Per delantre 49 quilómetros hasta Campumanes, onde la llocomota aportó media hora depués. Na población ḷḷeniza tuvu llugar l’actu institucional, nel que los representantes políticos coincidieron no histórico de la xornada y na importancia d’una infraestructura na que s’invirtió más de 3.700 millones d’euros.

Sánchez Jiménez nun punxo fecha a la so apertura, confirmando que diban siguir les pruebes “hasta lo último del 2022”. Una afirmación que convida a pensar nel 2023 como l’añu nel podría tar operativu l’AVE ente Madrid y Asturies.

 

 

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *