Xapón tien una nueva isla d’un kilómetru de diámetru tres una erupción volcánica submarina Imaxe de la nueva isla surdida tres
la erupción volcánica.
- Fonte noticia: NiusDiario / Muy Interesante / VolcanoDiscovery /
Niijima, como foi bautizada esta nueva isla y que, lliteralmente, significa ‘isla nueva’, ye productu de la erupción del conocíu volcán submarín de Fukutoku-Okanoba. L’actividá volcánica empezó la selmana pasada y créese qu’entá sigue.
Ye probable que la presencia d’esta isla en forma de media lluna solo sía temporal. Remaneció 5 kilómetros al norte de Minami-Iōtō, metanes les isles Nanpō que s’atopen al sur del archipiélagu xaponés. La isla formose a partir d’una erupción de Fukutoku-Okanoba, un volcán submarín que s’afayó per primer vegada cuando entró n’erupción en 1904.
La masa de tierra ta a unos 1.200 kilómetros de Tokio y tien forma de media lluna, y aprosimao 1 km de diámetru, confirmaron científicos y la Guardia Costera de Xapón según cuenta The Guardian. Materiales como la ceniza o otros fragmentos podríen nun aguantar l´embate constante de les foles.
L’archipiélagu d’isles que componen Xapón tien dende esta selmana una nueva incorporación: una masa de tierra tres una erupción volcánica submarina a unos 1.200 kilómetros al sur de Tokio y a unos 50 de la isla de Minami Ioto, la más meridional del país.
La porción de tierra, sicasí, podría resultar efímera porque ye difícil que materiales como la ceniza o otros aguanten l´embate constante de les foles, magar podría formase unu pulgu más dura colos fluxos de lava producto de la constante actividá volcánica.
Los precedentes d’isles (1904, 1914 y 1986) sumieron pola erosión, ente que en 2013 una nueva isla, productu tamién de l’actividá volcánica, sumase a la de Nishinoshima y dio como resultáu un trazáu paecíu al de Snoopy.
Medios xaponeses informaron de que la nueva isla foi afayada en viendo la erupción dende l’aire. Los guardacostes tamién afayaron roca volcánica llexando nel mar. L’axencia meteorolóxica del país cree que la última erupción, de la fin de selmana, puede siguir y emitió alvertencies sobro’l fumu y los grandes depósitos de ceniza n’agües cercanes.
