- Fonte: Animales Viajeros /
- Fonte: RTPA videu /
Los Güevos Pintos en 2023 son el martes 11 d’abril, y ye qu’esta fiesta siempres ye’l martes siguiente al domingu de Pascua, día festivu en Pola de Siero, pueblu del conceyu de Siero, nel centru d’Asturies.
Un trabayu de meses qu’alluma con diferentes tamaños
Martes de ‘Güevos Pintos’ en La Pola (Siero), nel qu’amás el tiempu acompaña. Anque munchos entá nun se creen que teamos énte güevos de verdá, naide quixo quedar ensin un güevu pintu de La Pola. Triunfen cómo non, los diseños asturianos tradicionales, mientres otros apuesten por anovar con diseños de ciencia ficción, curuxes y hasta la mítica Mafalda.
Un trabayu de meses qu’alluma con diferentes tamaños que van dende’l de pita al d’oca y técniques de pintura como la tinta china, l’acrílicu y l’oleu. Un mercáu que se caltién fiel a la tradición colos traxes d’asturianu y les cestes pa unos güevos que son una de les fiestes más esperaes poles poleses.
Nun hai documentos escritos que certifiquen l’orixe, pero sábese qu’esta fiesta tien dellos sieglos d’antigüedá. Una tradición que se caltuvo viva gracies a la boca a boca, de xeneración en xeneración..
Hai delles teoríes de cómo s’anició. Una d’elles ye qu’había un escesu de güevos mientres la cuaresma, que yera unu de los alimentos vetaos por motivos relixosos, colo que se diben atropando nos gallineros. A la fin de la cuaresma regalábense y, quiciabes dalguna persona empezó a agasayalos/regalalos decoraos.
Otra teoría, ye qu’esta tradición vieno colos mineros de centroeuropa que trabayaron nes mines (anguaño en munchos países europeos dibuxen y decoren güevos). Curiosamente, ye en Siero y Llangréu onde anguaño se pinten güevos, y foi a estos conceyos onde llegaron los primeros trabayadores centroeuropeos.
Yá que ye día de fiesta, aprovéchase dende bien temprano. La zona del parque Alfonso X enllénase de puestos engalanaos con mimu, onde pueden vese y mercase los güevos pintos. A les 12 de la mañana da la bendición de los Güevos Pintos, un actu relixosu que se convirtió en tradición na plaza del Conceyu, y la puya del ramu.
Ye esti momentu para munchos el pistoletazu de salida por qu’empiece a correr la sidra, y vaya si cuerre. Acompañada d’amigos, bona comida, desfiles, gaites y enforma folclore hasta bien entrada la madrugada.
Hai güevos de dellos tamaños y con bien variaos motivos, anque los tradicionales son de pita y pintaos con estampes típiques asturianes, dalgunos son verdaderes obres d’arte. Anguaño, hai para tolos gustos: dende personaxes infantiles, logotipos… hasta retruques de cuadros. La tinta china sueli ser la más usada, tamién los rotuladores, acuareles, con pluma…
Na mayoría de los güevos, na parte posterior, escríbese una frase, poesía, lleenda… cola fecha del día de la fiesta. Ye una guapa alcordanza para llevate a la to casa.
