Semeyea: Fer Gregory
Si yes fanáticu de les luciérnagues, aquellos insectos qu’allumen la nueche coles sos lluces, te tenemos males noticies…
D’alcuerdu a un estudiu de la Universidá de Tufts, agora son una especie en peligru d’estinción, polo que ye bien posible qu’estos insectos suman si nun se tomen les midíes necesaries.
La investigación, que se fixo en coordinación cola Unión Internacional para’l Caltenimientu de la Naturaleza, reveló les causes poles qu’apeligra la especie. Los pesticidas y la lluz artificial: principales culpables. Según investigadores de la Universidá de Tufs, los pesticidas contribúin a menguar o esaniciar por completu l’hábitat de les luciérnagues, tal como asocede coles abeyes y otros insectos polinizadores.
Tocantes a la lluz artificial, qu’inclúi les luminiscencies de la cai, les consecuencies podríen ser más devastadores.
<
Jess Kraft/Shutterstock
Según l’investigador Avalon Owens, les lluces artificiales alterien el ritmu de vida de los insectos, polo qu’afecta gravemente los sos rituales d´apareamiento. En palabres del científicu Dave Goulson, la lluz contribúi enforma nel deterioru de la especie, inclusive más que los pesticidas: «Les luciérnagues son particularmente vulnerables a la contaminación llumínica, más que quiciabes cualesquier otru grupu d’insectos»
«Lamentablemente, esta nun ye la primer vegada que la vida d’un insectu apeligra por culpa de la lluz artificial. Les lluces artificiales son responsables directes de que tea menguando’l númberu y diversidá d’insectos: los científicos llamen a esto un apocalipsis silenciosu»
Esto ye un problema grave, yá que trés cuartos de los cultivos del mundu dependen d’insectos polinizadores, ente ellos, les abeyes y les luciérnagues. Parques, árees verdes o, inclusive, tiestos con flores y plantes nutritives pa los insectos son bones midíes pa ayudar.
Sicasí, la contaminación llumínica sigue siendo’l principal factor pol qu’estos bichos de lluz tán abargana d’escastase, polo que seique sía meyor buscar nueves midíes pa compensar la contaminación de lluz.
Jess Kraft/Shutterstock
