Publicado en Curiosidaes

Alena Kravchenko, la ‘rapunzel’ ucraniana que nun se corta’l so pelo dende los cinco años

Fuente: instagram/alona__kravchenko
Esta modelu dexó crecer el pelo mientres 30 años y foi moteyada como ‘rapunzel’ por tener una melota de barganal de 2 metros de llargu.

Como si se tratara d’un cuentu de faes, una muyer ucraniana sosprendió por tener una llarga melota que nun se corta desque tenía cinco años y por eso foi moteyada como ‘rapunzel’.

La protagonista d’esta hestoria ye Alena Kravchenko (Instagram, semeyes), quien se volvió viral al amosar videos ya imaxes del so llargu pelo, pol que foi comparada con esti particular personaxe infantil.

Esta muyer de 35 años de la ciudá d´Odessa (Ucrania) dexó crecer el so pelo rubio desque yera una neña y na actualidá averase a los dos metros de llargu.

“Amu a ‘Rapunzel’. Toa neña tien un suañu y yo nun soi una esceición. Suañu con protagonizar la película ‘Rapunzel’ porque’l llargor y los colores del mio pelo tán mui cerca de la imaxe d’un personaxe de ficción”, aseguró Alena, según reseña’l diariu Daily Mail.

D’esta forma, esta modelu de güeyos azules realmente vive nun cuentu de faes non solo pola so llarga melota sinón porque munchos yá s’atreven a llamala la ‘rapunzel’ de la vida real ya inclusive munchos homes fáen-y propuestes de matrimoniu.

Precisamente, Alena decidió amarutase como esta princesa de los cuentos infantiles pa faer una sesión de semeyes nun castiellu y alicar a esti personaxe de ficción.

Les impresionantes imaxes impresionó a les redes sociales onde rápido viralizaronse al encarnar a esti personaxe con un vistíu moráu y estendiendo el so pelo dorao.

“Los preparativos pa la sesión de semeyes enllargaronse mientres dellos meses pa escoyer los llugares correctos y afayadizos, coser los paxellos y mercar los requisitos necesarios, incluyíu’l inusual peñáu-trenza con flores”, indicó la *rapunzel’ ucraniana.

La muyer reconoz que tener esti pelo tan llargo foi una inspiración de la so madre, quien lu aseguró qu’una “trenza afata por muncho tiempu a una muyer” y por esos les sos palabres quedáronse nel so corazón pa tola vida.

“Pa mi, la verdadera guapura ta na naturalidá, por eso’l mio pelo ye tan llargu, ye la manifestación del mio mundu interior, parte de mi y de la mio alma”, indicó al diariu The Sun.

D’esta forma, mientres 30 años dexó crecer el so pelo y reconoz que solo retaya les sos puntes unos 15 centímetros cada seis meses pa caltenelo brengosu y con un bon aspeutu.

Pero ello ye que’l so cuidu tamién representa un gran retu yá que tien que dedicar más d’una hora pa llavalo una vegada a la selmana con productos naturales y profesionales, p’asina controlar l´encrespamiento y evitar que se enredase.

Amás, tien de peñalo dos vegaes al día y suel faese una trenza pa poder sostenelo con un moñu una y bones munches vegaes suel trialo por fuerza y nun quier que permaneza puercu.

“Nun puedo notar nenguna situación col pelo llargo. Lo único na forma suelta ye triar por fuerza el pelo. Nun hai molesties físiques, cuidao que la trenza creció conmigo tola mio vida. Arriendes d’ello, el mio cuerpu ta avezáu”, reconoció Alena a The Sun.

La ‘rapunzel’ ucraniana aseguró qu’el so pelo dexó-y destacar nel mundu del modelaxe pero tamién-y dio la so propia personalidá y orixinalidá.

Finalmente, esta modelu nun entama cortá-ylo pero’l so pelo rubiu de xuru va imponer dellos récord nel so país o n’Europa, pero polo pronto nun va algamar el Guinness Récord que llogró la china Xie Qiuping como la muyer col pelo más llargo del mundu al rexistrar una melota de 5.6 metros de llargu.

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *