Güei falamos d’una pequena planta herbal perenne de flor rosada, que’l so nome dicen que fai alusión al so calter estacional una y bones el so tardíu floriamientu a finales de branu, indica que los díes son más curtios y que yá non se sale a merendar al campu: la quitameriendas (Merendera montana: wiki /semeyes / info). Semeya
Tamién la conoz como “espantapastores”, yá que crez nos pacionales de diente del Parque Nacional y, cuando apaecen les sos vistoses flores rosadas, acomuñase al escosamientu de les camperes ya indica que ye’l momentu de recoyer el ganáu del puertu para tornar al valle a pasar l’iviernu.
Tola planta contien alcaloides, que la so tosicidá caltien alloñaos a los herbívoros que lu refuguen, pero foi bien utilizada hasta’l sieglu XX contra’l tratamientu de la gota, y ye bien conocida pola so poder antiinflamatorio y pol so usu contra enfermedaes autoinmunes.
Ye reinal de tola Península Ibérica, y ye frecuente vela na seronda na redolada de los Llagos de Cuadonga nel Parque Nacional de los Picos d’Europa.
