Publicado en Día de...

Día Meteorolóxicu Mundial

El 23 de marzu celebramos el Día Meteorolóxicu Mundial para poner de manifiestu cuestiones rellacionaes col tiempu, el clima o l’agua. Tien como tema l’Alerta temprano y acción temprana» y destaca la importancia fundamental de la información hidrometeorolóxica y climática p’amenorgar el riesgu de desastres.

La meteoroloxía contribúi a la seguridá y al bienestar de la sociedá y resulta de gran importancia para:

  • La seguridá alimentaria
  • Amenorgar los riesgos de desastre
  • La xestión de l’agua
  • El suministru d’enerxía

Los fenómenos estremos rellacionaos col tiempu, el clima y l’agua son cada vez más frecuentes ya intensos en munches partes del mundu de resultes del cambéu climáticu. Tamos más espuestos que nunca a múltiples peligros conexos, que de la mesma evolucionen de resultes de la crecedera demográfica, la urbanización y la degradación del mediu ambiente.

Les predicciones sobro cómo VA SER el tiempu yá nun basten. Les predicciones basaes nos impactos qu’informen al públicu de lo que’l tiempu VA FAER son fundamentales pa salvar vides y medios de subsistencia.

Ye fundamental xuna mayor coordinación ente los servicios meteorolóxicos ya hidrolóxicos nacionales, les autoridaes de xestión de desastres y los organismos de desenvolvimientu p’ameyorar la prevención, la preparación y la respuesta.

Tar preparaos y ser capaces d’actuar nel momentu oportunu y nel llugar fayadizu puede salvar munches vides y protexer los medios de subsistencia de les comunidaes de too el mundu, agora y nel futuru.

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *