Publicado en Día de...

Día Mundial de la Eficiencia Enerxética

…el complementu imprencindible de les enerxíes renovables.

Esti vienres, 5 de marzu, celébrase’l Día Mundial de la Eficiencia Enerxética, una xornada para cavilgar sobro l’usu de la enerxía de forma eficiente en tolos ámbitos. Ente ellos, el del llar, que dacuando pasa desapercibíu, a pesar de que’l parque inmobiliariu ye’l responsable del 40% del consumu d’enerxía, sobremanera en calefacción y eletricidá. Ver Ficha

Xuna enerxía qu’en contaes ocasiones utilízase de forma eficiente y responsable, pos solo n’España 26 millones de viviendes pierden al añu 12.000 millones d’euros por tar mal acondicionaes enerxéticamente, a lo qu’hai que sumar l’avieyáu parque inmobiliariu español, que cunta con más de la metá d’inmuebles construyíos antes de 1980 y casi un 20% de viviendes edificaes na década de los sesenta.

A esti fenómenu añedir que, de les operaciones de compraventa nel nuesu país, el 80% correspuende davezu a viviendes de segunda mano y más de la metá precisa obres de rehabilitación p’ameyorar el so acondicionamientu y habitabilidad y convertise en viviendes eficientes y sostenibles. Anguaño, n’España siguen siendo minoritaries les viviendes que cunten con certificaos de tipoloxía A o B, siendo’l de tipu F-G el más habitual.

Xuna situación alloñada al oxetivu que marca’l Pactu Verde européu de descarbonización de les ciudaes y neutralidá climática pal añu 2050, pal que sería necesariu xuna tasa de renovación añal d’edificios del 2-3% nel conxuntu de la UE. Sicasí, según el recién estudio ‘Iniciatives y modelos de negociu pa la rehabilitación d’edificios’ de la Fundación Naturgy y EIT InnoEnergy, n’España precisaríamos multiplicar esti índiz de rehabilitación por 25 pa cumplir esti oxetivu.

Nesta xornada de reflexón sobro la eficiencia enerxética, los espertos de UCI (Unión de Creitos Inmobiliarios), entidá especialista en financiamientu sostenible de la vivienda, nel marcu del Mes del Planeta UCI, iniciativa pa poner en valor la importancia de la sostenibilidá y eficiencia enerxética nos llares, ellaboraron xuna guía d’encamientos colos factores que definen xuna vivienda eficiente, qué reformes ayuden a ameyorar la sostenibilidá y trucos del día ente día pal usu enerxéticu eficiente y responsable nes viviendes.

Les pautes que tienen de tener en cuenta principalmente los futuros propietarios, no qu’a eficiencia enerxética refierse, p’adquirir un llar eficiente son:

Aislamientu térmicu en suelu, parés y ventanes.
Sistemes de calefacción eficiente, preferiblemente a partir d’enerxíes anovables, como la aerotermia o la xeotermia.
Paneles solares fotovoltaicos, pa la xeneración d’eletricidá, y térmicos, pa producir agua caliente a partir de la enerxía solar.
Vivienda con suficiente lluz natural pa contribuyir al aforru d’eletricidá.
Sistemes domóticos pal encendíu y apagáu de lluces y electrodomésticos.

Reformes a favor de la eficiencia enerxética

Nel casu de nun cuntar con una vivienda que cumpla tolos parámetros enantes mentaos, siempres esiste la posibilidá d’acometer delles reformes o xuna rehabilitación integral, por que apuerte a un llar más eficiente y sostenible. Ente les principales obres de meyora enerxética atópense:

Aislamientu térmicu: p’ameyorar esti aspeutu, pueden realizase obres de reforma nos trés o en dalgún de los elementos clave (suelu, parés y ventanes), con un costu envaloráu d’ente 2.000 y 3.000 euros, en función de cada tipoloxía de vivienda y de la reforma a realizar.

En parés y techos, estes reformes van consistir na instalación d’aislantes como poliestireno, llana mineral, planches de EPS o paneles de fibra de madera, según pintures térmiques, qu’ameyoren hasta un 25% del aislamientu. Nos suelos, lo meyor ye cuntar con una base d’aislante térmicu o un suelu de madera. Y en les ventanes, apostar por zarros herméticos y doble cristal, que van suponer un aforru d’hasta un 30% d’enerxía.

Sistema de calefacción eficiente: los sistemes de calefacción de carbón o gasoil nun son óptimos pa la eficiencia enerxética. Nel so llugar, ye meyor l’usu del gas o d’enerxíes anovables, como l´aerotermia (bomba de calor qu’utiliza aire y depende de les condiciones climátiques esteriores) o la xeotermia (bomba de calor d’agua que vien del interior del sosuelu). Dambes opciones pueden llevar a aforrar hasta un 35% nes factures enerxétiques.

Otra alternativa cada vez más estendida ye la instalación de suelu radiante, un sistema que funciona con aerotermia o xeotermia, con una temperatura d´impulsión d’agua bien baxo (30-45 ºC) al respective de los sistemes tradicionales de radiadores (70-75 ºC).

Instalación de plaques solares: apostar pol usu de paneles solares ayuda a amenorgar hasta 18 tonelaes al añu de gases contaminantes nuna sola vivienda y son sistemes aptos en tola xeografía española. Los de tipu fotovoltaico dexen la xeneración d’eletricidá d’una forma sostenible y un aforru na factura de la lluz. Los de tipu térmicu ayuden a la xeneración d’agua caliente, ensin necesidá d’usar sistemes tradicionales como calderes eléctriques o gas, una y bones esti recursu supon el 26% del consumu d’enerxía nun llar.

Domótica y sistema modernu d’eletricidá: el llume representa aprosimao’l 15% del consumu mundial d’eletricidá y el 5% de les emisiones de gases d’efectu invernaderu. Instalar un sistema d’eletricidá modernu y enerxéticamente sostenible supon xuna inversión d’ente 2.000 y 3.000 euros nun pisu de 100 m2. Coles mesmes, incluyir un sistema *domótico pal encendíu y apagáu de lluces y electrodomésticos ye tamién xuna bona inversión pa la sostenibilidá del llar.

Acometer delles d’estes reformes contribúi a ameyorar la eficiencia enerxética de los inmuebles, según aforrar nes factures. La inversión nestes obres va depender de la reforma concreta y de la tipoloxía de vivienda y pa realizales puede recurrise a subvenciones a favor de la eficiencia enerxética nel llar, amás de complementales con préstamos escurríos pa tal fin.

Trucos nel llar p’ameyorar la eficiencia

Nel casu de nun ser posible acometer reformes, siempres pueden incorporase bonos vezos nel llar pa curiar el mediu ambiente al empar que s’aforra:

Lluz natural: aprovechar al máximu la lluz natural ye un trucu clave pal aforru n’eletricidá, con ventanes abiertes pa dexar pasar esta lluz y evitar encender l’artificial. Tamién l’usu de bombilles tipo LED pa un menor consumu, en llugar de les tradicionales.

Agua caliente: xuna bona práctica y de poca inversión ye utilizar reductores de caudal y grifos de monomandos con termostatu, que beneficien al mediu ambiente y ayuden a aforrar ente 30 y 200 euros na factura de l’agua. Amás d’optar por ducha en llugar de bañu pa un menor consumu.

Calefacción: caltenela encendida con una temperatura en redol a los 20 graos porque con cada grau de más, el gastu amonta ente un 5% y un 10%. Amás, pela nueche, en llugar d’apagala, ye meyor ponela a unos 15º. Otru bon vezu ye nun tar en casa vistíu como si fuera branu y nun cubrir los radiadores.

Electrodomésticos: l’apueste por electrodomésticos de baxu consumu ye xuna de les renovaciones más sencielles y que supon un gran beneficiu pal aforru doméstico y el mediu ambiente. Pa escoyer los electrodomésticos más eficientes, hai que tener en cuenta un nuevu etiquetáu, más esixente, puestu en marcha esti 1 de marzu: dexen d’esistir les tipoloxíes A+++, A++ y A+ y l’escala va dir d’A (más eficiente) a G (la que menos). Asina, los actuales clasificaos como A pasen a la clase B o C y l’actual categoría A va ser pa electrodomésticos de nueva creación.

Coles mesmes, incorporar bonos vezos nel usu de los actuales electrodomésticos favorez tamién el cuidu medioambiental. Ente estos bonos vezos:

-Nun abusar del fornu, yá que ye unu de los electrodomésticos de mayor consumu, y nun abrir con frecuencia mientres se cocina porque pierde unos 20 graos de temperatura y consume más pa volver #calecer.

-Aprovechar el calor residual de la vitrocerámica y el fueu, apagándolo unos minutos primero que la comida tea llista.

-Nel frigoríficu, caltener 5º para refrigeración y -18 pa conxelación y nun abrir demasiaes vegaes contribúi al aforru.

-Meyor fregaplatos que llavar los platos a mano, pol consumu continuu que trai, que supon un 40% más de gastu.

-A la de poner la llavadora, ye recomendable optar por ciclos curtios de llavadura y agua frío o templada con cargues completes.

-Evitar l’usu de la secadora y optar preferiblemente por ensugar la ropa al campu, siempres que les condiciones climatolóxiques dexen.

-Aparatos eléctricos: sustituyir pantalles normales por LCD p’aforrar hasta un 37% d’enerxía y cargar la batería al completu y en manera avión por que sía más rápidu.

Teletrabajo y eficiencia enerxética: agora que’l trabayu en remotu ye xuna realidá en munches viviendes, ye recomendable incorporar bonos vezos como non desperdiciar papel, utilizando ferramientes dixitales siempres que sía posible, o nun imprimir más de lo puramente necesario. Tamién ye importante evitar dexar l’ordenador o otros dispositivos electrónicos en manera standby.

Reciclaxe: faer siempres xuna bona separación de les borrafes pal so correctu reciclaxe y tener en mente’l principiu de les 3R de la Ecoloxía: Reciclar, amenorgar y reutilizar.

Con estos senciellos trucos na rutina diaria del llar, podemos apurrir el nuesu granín d’arena a la eficiencia enerxética. A mediu llargu plazu, pensar en reformes completes o puntales va contribuyir a llograr l’oxetivu del Pactu Verde européu, que busca la excelencia ambiental nos inmuebles de tola UE.

 

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *