Güei cúmplinse 44 años de la so publicación. El 1 de setiembre de 1979 llegaba a les llibreríes esta xoya lliteraria de Michel Ende. Debíu al ésitu de la so maraviyosa hestoria l’autor recibió’l Premiu Janusz Korczak de Lliteratura. Na trama de La hestoria interminable entemécense’l mundu real y el de fantasía. Nel mundu real, el protagonista sufre bullying nel colexu y abelúgase nun misteriosu llibru, nel que se somorguia de tal manera qu’acaba siendo parte de la so hestoria: una hestoria sobro la llucha ente la Nada y xuna Emperatriz enferma. Nesti llibru dientro del llibru llíbrase xuna épica batalla cargada de personaxes fantásticos coles mires de la salvación del reinu.
«“Gustaríame saber”, díxose, “qué pasa realmente nun llibru cuando ta zarráu. Naturalmente, dientro hai namá lletres impreses sobro’l papel, pero sicasí… Daqué debe de pasar, porque cuando lo abri apaez de secute xuna hestoria entera. Dientro hai persones que nun conozo inda, y toles aventures, fazañes y engarradielles posibles… y dacuando prodúcense nubes nel mar o se llega a países o ciudaes exóticos. Tou eso ta nel llibru de dalguna manera. Pa vivilo hai que lleelo, eso ta claru. Pero ta dientro yá antes. Gustaríame saber de qué manera.”
De secute sintió que’l momentu yera casi solemne. Sentóse derechu, coyó’l llibru, abriolu pola primer páxina y empezó a lleer.»
Google dedica güei xuno de los sos doodles interactivos a esta novela fantástica, que más palantre se convertiría n’una película qu’encandiló a millones de neños.
