L’artista y agitador folclóricu asturianu Rodrigo Cuevas estrena’l so nuevu videoclip, “Casares”, como adelantre del so nuevu discu “Manual de romería”. Esta tema llega xunas selmanes dempués de “Más animal”, una tema que tamién forma parte del so próximu trabayu.
- Fonte: La Voz del Trubia / Videu /
Teberga y la Tabierna Narcisu. ‘El Busgosu de Casares’ retrata’l conflictu ente la caza y la naturaleza nuna producción de gran guapura empobinada por Jorge Coloraes y Madalena Orellana
Rodrigo tresformase nun busgosu, mediu home mediu animal, en ‘El Busgosu de Casares’, l’últimu vídeu del artista asturianu, qu’en gran parte grabase na contorna, nuna cuidada producción con idea orixinal de colectivu ‘Nuberu Vagu’, con dirección de Jorge Coloraes y Madalena Orellana. El vídeu esquiza la relación de la caza y la vida selvaxe, con una tema musical que como yá ye habitual nel artista actualiza los soníos y les lletres del folclore tradicional asturianu. La Tabierna Narcisu, de Teberga, ye unu de los espacios nos que se grabó’l vídeu, que tamién capta la guapura de los paisaxes del Parque Natural de Les Ubiñas-La Mesa. De la mano d’El Cohete Internacional, el vídeu publicóse ayeri en Youtube y cuenta yá con barganal de 18.000 reproducciones.
