IES Valle d’Ayer (Moreda). IX Concursu Rexonal de «Los nabos na cocina» 02/12/2021.
El IES Valle d’Ayer, en collaboración cola Confrería d’Amigos de los Nabos de La Foz de Morcín, entama l’IX Concursu Rexonal de cocina de los nabos: Los nabos na cocina dirixíu al alumnáu que curse na actualidá Formación Inicial Cocina, C.F.G.M. en Cocina y Gastronomía o C.F.G.S. en Dirección de Cocina n’escueles d’hostelería del Principáu d’Asturies.
La participación consiste n’unviar una receta de creación propia que’l so principal ingrediente sía’l nabu. La receta va ser para cuatro comensales y tien d’emplegar a lo menos 50 gramos de nabu per ración. Namá podrá presentase un trabayu por alumnu. Plazu de recepción de recetes: remata el 8 de Xineru de 2022 a les 14:30 h. Bases del concurso