Ganar una medaya olímpica ye un gran momentu para cualesquier atleta, pero hai un significáu especial nel ramu de flores que se-yos apurre a los medallistes en Tokyo 2020. Según estimaciones, van apurrise más de 5.000 ramos a los atletes nos Xuegos Olímpicos y paralímpicos. Pero nun son un tipu de ramos cualesquier…
- Fonte noticia: BBC
- Noticies: Ramos de la victoria /
Les flores ceremoniales cultiváronse principalmente en trés distritos del nordés de Xapón que fueron afaraos por un terremotu y tsunami de 2011, y la posterior fusión de trés reactores na planta nuclear de Fukushima. Casi 20.000 persones morrieron na catástrofe qu’afectó a les prefecturas d´Iwate, Fukushima y Miyagi.
Y los ramos de flores marielles, verdes y azules que se regalen a los medallistes nos Xuegos Olímpicos -y que tamién s’apurrirán nos Paralímpicos- cultiváronse casi na so totalidá nesos trés distritos.
El significáu de les flores. Los xirasoles de color mariellu brillante, qu’apoderen los ramos, cultivense en Miyagi, y fueron llantaos por padres que los sos fíos morrieron nel desastre.
Les flores fueron cultivaes n’árees afectaes pol terremotu y tsunami de 2011.
Los padres escoyeron pa esto una fastera onde los sos fíos abelugárense de los efectos del tsunami. En Fukushima cultiváronse delicaes eustomas blanques y moraes y sellos de Salomón, como parte d’una iniciativa ensin fines d’arriquecimientu creada pa tratar de reactivar la economía local tres el desastre, qu’estropió gravemente la producción agrícola.
Les gencianes, una pequena flor azul brillante, cultivase n´Iwate, una zona costera que foi afarada por foles xigantes nel desastre de 2011.
Pa completar el ramu, hai aspidistras de color verde escuru, cultivaes en Tokio y escoyíes pa representar a la ciudá anfitriona.
