Publicado en Día de...

Feliz Día de San Patriciu

/

Güei celébrase San Patriciu, patrón d’Irlanda, la única de les Naciones Celtes que, hasta’l momentu, consiguió la so independencia.

San Patriciu (n’irlandés: Lá Fhéile Pádraig) ye una festividá d’orixe cristianu que se celebra añalmente’l 17 de marzu para conmemorar la muerte de San Patriciu d’Irlanda, patrón de tola isla d’Irlanda allugada al noroeste de la Europa continental. Últimamente popularizóse en tol mundu la so celebración, tol mundu va de verde y bebe cerveza pero, ¿quién foi realmente San Patriciu? Wikipedia


Quien pasaría a la hestoria como San Patriciu nació col nome de Maewyn Succat ente los años 387 y 389 en dalgún llugar próximu a la mariña oeste d’Escocia (pue que en Kilpatrick, abargana de Dumbarton) o de lo qu’anguaño ye’l norte d’Inglaterra. La situación del so padre como oficial de les lexones romanes reconvertíu a diáconu faía d’él un home adineráu, cultu y romanizado.

Cuando tenía 16 años, un grupu de saquiadores irlandeses que llevaba a cabu xuna espedición de pillaje na mariña escocesa fízolu prisioneru y vendiolu como esclavu, teniendo que pasar seis años como pregueru n’Irlanda nos qu’espertó la so fe y devoción. Empuestu pola supuesta voz qu’escuchó nun suañu, Maewyn consiguió escapar y volver a casa, colase al continente y formase en Francia pa ser sacerdote. Dizse que, n’otru suañu, el rebautizado Patriciu oyó la voz d’Irlanda” y supo que tenía de volver a la isla na que lo había perdíu tou pa espublizar la fe cristiana y convertir a los qu’ellí habitaben, tribus celtes consideraes paganes a güeyos de la ilesia.

Con precuru y la constante amenaza de volver ser esclavizado o inclusive de convertise en mártir, Patriciu pasó trés décades n’Irlanda bautizando y confesando, ganando cada vez más adeptos y creando la primer comunidá cristiana n’Irlanda. Xuna de les lleendes más espublizaes que se cunten de la so persona ye qu’esplicaba’l misteriu de la Santísima Trinidá colos shamrocks, tréboles de trés fueyes que yá yeren emplegaos como símbolos máxicos polos celtes. Tamién se diz qu’espulsó a les culiebres d’Irlanda tocando col so blagu’l suelu.

Pal sieglu VII, la lleenda de Patriciu creciera descomanadamente y gociaba de gran fama n’Irlanda. La so muerte suel asitiase’l 17 de marzu del añu 461 y ye precisamente esto lo que se conmemora nel día de San Patriciu. La fiesta dedicada al patrón y apóstol d’Irlanda yera xuna celebración relixosa nel so orixe, pero empezó a secularizarse gracies a la llegada masiva d’inmigrantes irlandeses a ciudaes como Boston o Nueva York.

🍺La fiesta adquirió un tonu cada vez más popular y nos 60 autorizóse l’apertura de los pubs mientres esti día, lo que favoreció que se convirtieren nel auténticu templu nel que la xente esfruta del Día de San Patriciu.

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *