Publicado en Asturies, Sin categoría

Llión xuntu con Asturies pidieron ser un país reconocíu internacionalmente a la ONU

Llión xuntu con Asturies pidieron ser un país reconocíu internacionalmente a la Organización de Naciones Xuníes (ONU). Anque pueda paecer bien estrañu, esta anécdota de la hestoria tuvo llugar n’una situación escepcional que vivió España.

Nel contestu de la Guerra Civil Española, cuando’l nuesu país atopábase estremáu ente’l Gobiernu lexítimu d’España y los golpistes encabezaos pol dictador Franco, Asturies y Llión declararon conxuntamente la so independencia.

El Conseyu Soberanu d’Asturies y Llión proclamó la so independencia en 1937

Corría’l 24 d’agostu de 1937 cuando’l Conseyu Soberanu d’Asturies y Llión proclamó la so independencia énte la meyora de los franquistes nel Frente del Norte. Acababen de tomar la ciudá de Santander arrequexando al Norte d’España y dixebrándolo del restu de la España Republicana. El Gobiernu de la República treslladárase a Valencia y el Norte quedaba desconectáu de la España na qu’inda rexía’l Gobiernu lexítimu.

El Conseyu Soberanu llegó a acuñar moneda propia.

Esta situación d’aislamientu que sufría’l Norte republicanu favoreció que los poderes locales tuvieren qu’asumir les competencies del Gobiernu de la República, del qu’habíen quedáu separaos poles tropes de Franco. Belarmino Tomás foi quien se punxo al frente como presidente ya inclusive llegó a emitir billetes, bautizaos como belarminos, como él, yá que nun teníen abondos billetes al atopase aisllaos del restu de la República Española.

El Conseyu d’Asturies y Llión quería entrar na ONU como Tao de plenu derechu

La capital d’esti Conseyu Soberanu d’Asturies y Llión instalose en Xixón, una y bones Uviéu fuera tomáu tamién polos golpistes. Esti país de fechu pidió a la Sociedá de Naciones, l’actual ONU, que lu reconocieren como Estáu independiente de plenu derechu pa llibrase del réxime franquista pero esto nunca sería aceptáu. Inclusive Manuel Azaña, presidente de la República Española, disgustaronse con Belarmino por esto. Finalmente, esti país de facto duraría tan solo 2 meses al ser invadíu poles tropes de Francisco Franco.

Franco Dávila

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *