Publicado en Arquitectura, Sin categoría

Asturies, tierra de castros

Rutes nel Parque Históricu del Navia para dir tres los pasos de los pueblos qu’habitaron el territoriu con anterioridá a la conquista romana.

Na contorna del Parque Históricu del Navia caltien el mayor mandáu que los pueblos prerromanos dexaron nel territoriu ástur. Tamos nel occidente del Principáu, onde les ríes del Navia y del Eo marquen les llendes d’esta zona de llombes tapizaes d’uz y de toxu, qu’algamen en pocos kilómetros cotes de 1.300 metros d’altitú dende la rasa mariniega. Ye esti unu pandu de campos verdes, que s’asoma al Cantábricu dende cantiles baxos de cuarzu y de cayuela como últimu eslabón d’esti paisaxe cambiante, onde la tribu de los albionos dexaría la so buelga fai más de trés mil años.

Dólmenes, túmulos y enigmáticos penedos apaecen esvalixaos nos sos valles y montes como muertes prerromanes dende Grandas de Salime hasta Tapia de Casariego. Pero, sobro toos ellos destaquen les sos fortificaciones más emblemátiques, los castros, que se camuflen nesta redolada montascosa como repulgos de piedra con formes xeométriques.

Tres el rastru de los primeres pobladores viaxamos a esta contorna mestiza, onde lo prerromano fundese colo romano como lo asturiano fizo colo gallego, dende la llingua a les tradiciones que se caltuvieron intactes col pasu del tiempu. Equí la soledá y aislamientu de los pueblos de monte oldea col dinamismu que s’alienda na mariña. Aun así, les aglomeraciones nun esisten nel Parque Históricu del Navia. Siguimos el cursu del ríu p’afayar la esencia de la tierra de los castros.

Los romanos y el corredor del oru Los albionos llevantaron los sos castros en llugares estratéxicos, asitiaos sobro llombes o cantiles costeros pa xixilar asina esti territoriu allampáu polos romanos. Dende Navia partía, per vía terrestre escontra les capitales conventuales del Noroeste (Astorga y Llugo) como pasu previu a la ruta escontra Tarraco de les grandes cantidaes d’oru estrayíes nel suroccidente. Esto asocedió ente los sieglos I ya II d.C., pero la cultura castreña remóntase, según los estudios, a la Edá del Fierro.

Nes tierres altes del cursu del Navia, el paisaxe remóntase formando xuna enorme gargüelu de fasteres de cayuela, onde los primeres pobladores dexaron el so calquier. Tamos nel conceyu de Grandas de Salime, na frontera con les tierres gallegues de Fonsagrada y Negueira.

El primer rastru atopase nos túneles romanos de Penafurada, un conxuntu de canales construyíes al traviés del monte pa enriar les agües de la Sierra del Xardón hasta les mines d’oru del Valabilleiro.

Rumbo norte, apaecen los túmulos de Canadeiro, un monumentu que se caltien dende’l neolíticu, como’l de los Petroglifos de la Xorenga, xusto al llau. Esti postreru ye xuna manifestación artística de formes simples tallaes na roca, pero d´indescifrable significáu.

Chao Samartín. Ensin salir del conceyu de Grandas de Salime, la carretera AS-28 afayamos el castru Chao Samartín sobro la escampada. El so orixe remontase a la Edá del Bronce (800 a.C.), la so rellumanza a la dómina romana y el so abandonu a la Edá Media. Nos años noventa empezaron les escavaciones que revelaron la so pervalible colección arqueolóxica d’influencia llatina y de periodos anteriores. El muséu, asitiáu xusto al llau, ye’l meyor llugar pa entender la so relevancia na contorna.

Siguimos el cursu del Navia na so trayectoria escontra l’océanu pa travesar el conceyu de Pezós y detenenos pa contemplar les vistes del cañón esculpíu per esti ríu.

Pero volviendo a lo prerromano (o albión), vamos atopar nel conceyu d’Eilao’l castru d’El Castelón. Una petrina de muralles d’hasta cuatro metros d’altor protexe esti asentamientu de la Edá del Fierro, asitiáu al pie de la carretera (AS-12).

La cueva del demoniu. Nel conceyu de Bual, merez la pena tomar la esviadura en Doiras escontra Froseira p’afayar la Cova del Demo. Dexamos el coche nesta aldega de monte pa caminar por una sienda ente castañales centenaries qu’escuende esti cuévanu zarráu pa protexer les sos pintures rupestres de la Edá del Bronce.

La redolada de la Cova del Demo ta envolubráu por un halo de misteriu, de presencies malines aparentes pa la celebración d´aquelarres y otros rituales. Foi utilizada mientres muncho tiempu como abrigu pal ganáu y abelugu mientres la Guerra Civil.

Bual y el mirador de la *Bobia. Na redoma del pueblu de Bual, convien averase hasta la área recreativa de Penouta pa esfrutar d’un picnic xuntu al dolmen del Neolíticu y con vistes privilexaes dende la sierra de la Bobia. Contemplamos equí tol conceyu de Bual y el de Villayón amás de la mariña d’El Franco y de Tapia, al norte.

L’AS-12 afayase otru mirador: el del castru de Pendia. No fondero del valle acolumbramos esti asentamientu (s. IV-V a. C.) al pie d’un derrubio de llábanos de cayuela, entá protexíu por muralles, fosos y un torrexón. Conserva amás dos saunes de tipu castreño.

Capo de Pendia. Xuna sienda a cuerpu conecta’l pueblu de Bual con esti xacimientu prerromanu, pero si queremos afayar la esencia del valle del Navia, vamos allegar al pueblu de Serandines y vamos salear en canoa pol banzáu d´Arbón.

Caonas nel banzáu d´Arbón. La empresa “Kaly Aventura” entama tou tipu d’espediciones y actividaes pela zona.

El castru de castros.  Abargana de la desaguada del ríu Navia na so villa homónima, contemplamos en Coaña l’asentamientu más *icónico de la cultura castreña asturiana y unu de los más representativos d’España. Nun lo ye tanto pola so relevancia histórica nin pola so estensión, sinón pol so escelente grau de caltenimientu y la gran cantidá d’escavaciones que se llevaron a cabu dende’l sieglu XIX.

Esquizamos esti antiguu pobláu fortificáu estremáu na acrópolis y el barriu norte, onde se caltienen 80 edificaciones protexíes por una poderosa muralla. El so orixe remontase a dellos sieglos antes de la conquista romana (Edá de Fierro), pero p’afayar la so hestoria, evolución y peculiaridaes, lo meyor va ser visitar la so aula didáctica. Pa contemplalo, lo meyor va ser faelo dende’l pueblu de Coaña, xusto en frente del cuetu onde s’asitia’l xacimientu. Al pie de la mariña, ensin salir de Coaña, atopamos nes praderíes de la rasa mariniega otru castru, el de Mohías.

La mariña de los albionos a pedal. Ente El Franco y Tapia de Casariego, albionos y romanos fueron partiendo los sos bastiones a ras del Cantábricu coles mires de xixilar la llegada del invasor y protexer asina los sos cargamentos d’oru. Si buscamos xuna manera d’esquizar esta zona, escaeceremos del coche pa tomar la bici de monte y pedaliar por esti tramu de la Y9 dende la sablera de Castello a la de Peñarronda.

L’itinerariu traviesa campos de cultivu y pueblos marineros pa baxar a cales solitaries y bordiar montes de pinos y ocalitos. Apaecen equí asentamientos prerromanos en cantu del cantil como’l castru de Cabo Blanco, más allá de Viavélez, el de Castreda, antes de llegar a Tapia de Casariego, o’l d’El Esteiro, al poco de pasar esti pueblu.

Abargana del estuariu de Porcía atópase la pedanía de Salave, onde los romanos cavaron kilómetros de canales y galeríes pa movilizar l’agua y quebrar la roca hasta estrayer el mineral del oru. Dexaron al so pasu xuna zona pantanosa d’aspeutu lúgubre: los llagos de Silva.

 

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *