Publicado en Curiosidaes

Ónde ta’l Puntu Nemo, el llugar más remotu ya inaccesible de la Tierra

Punto nemo Getty Images

El Puntu Nemo ye tan remotu, que los humanos más cercanos a él son los astronautes de la Estación Espacial Internacional.

L’Océanu Pacíficu sigue siendo un espaciu incomprensible para la ciencia y la mano humana. En delles coordenaes, nin siquier la vanguardia na tecnoloxía contemporanea puede abrise camín a los seres humanos. Tal ye’l casu del Puntu Nemo: el llugar más alloñáu de tierra firme ya inaccesible en tol planeta.

¿Qué ye’l Puntu Nemo?
Ésta ye l’allugamientu del polu d´inaccesibilidad oceánica, conocíu como «Puntu Nemo».

/

Ésta ye l’allugamientu del polu d´inaccesibilidá oceánica,
conocíu como «Puntu Nemo». Imaxe: Wikimedia

El polu d´inaccesibilidá del Pacíficu ye’l llugar del océanu más alloñáu de cualesquier tierra firme, atopándose nel sur del océanu Pacíficu, aprosimao a 2688 kilómetros de l´Antártida y de delles pequenes isles oceániques. Tamién ye’l llugar onde se topa’l campusantu de naves espaciales por cuenta de la so alloñanza, aislamientu, que ye casi inhabitable y que se considera territoriu d’alta mar. El fondu del océanu asitiáu en dichu puntu atópase a unos 3700 m de fondura.

En 1992, Hrvoje Lukatela—un inxenieru croata-canadiense— afayó esti llugar con un programa de xeolocalización. Orixinalmente, pensó en nomalo como «polu oceánicu d´inaccesibilidá»; sicasí, el nome col que ganó popularidá ente la comunidá científica vien d’un personaxe de Julio Verne: el Capitán Nemo.

Ésti ye un puntu inhóspito nel planeta, nel que l’actividá biolóxica ye casi nula. Al tar tan llueñe de tierra firme, la trayectoria de los vientos nun abasnan hasta ende materia viva de nengún tipu.

Acordies con Lukatela, «La localización de trés puntos equilláteros ye especialmente singular. Nun hai trés puntos sobro la superficie de la Tierra que podríen reemplazalos«. Pa dellos astronautes, la so radio ye conocíu como la Zona Deshabitada del Pacíficu Sur.

La densidá biolóxica qu’esiste nel Puntu Nemo ye tan despreciable a nivel estadísticu que dellos países utilizáronlu como un campusantu espacial. Esto quier dicir que los oxetos que taben pensaos pa salir de l’atmósfera terrestre son arramaos ende.

Satélites, cachos de la estación espacial Mir que se bastió a la Tierra de forma controlada en 2011 y otros artículos diseñaos pa ser utilizaos más allá de la Tierra van parar ende cuando yá nun sirven, o son refugaos pola ciencia. Tal como nos naufraxos, los restos son colonizaos polos pocoñín de organismos que persisten nesti puntu pocu aptu pa la vida.

El Puntu Nemo utilizóse como basureru de refugayes porque, en realidá, nun representen xuna amenaza pal ecosistema. Como la vida marina habita n’espacios más cercanos a les mases continentales, resultó como un espaciu ideal pa llanzar tou aquello que foi esmanteláu —y tien que ser escaecíu, como si se tratara d’un almacén subacuáticu.

 

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *