Publicado en Día de..., Reciella

Tolos cantares del Día de la Reciella

Esti sábadu ye’l IX Día de la Reciella, una xornada que nos años últimos vieno siempre acompañada con un cantar especial pa cada edición, ‘L’asturianu conéctate’ d’Alfredo González nésti. Canciones que van sonar nel Muséu del Pueblu d’Asturies y que xuntamos nesta información pa poder recordales, cantales y baillales en familia. Fonte: Asturies.com

El primeru, nel 2016, foi ‘Entaína’, de Skama la Rede, que nos fixo baillar esi añu y sigue faciéndolo anguaño.

Llueu llegó ‘N’asturianu, sumes’, de David Varela, amestando sones tradicionales con otros más modernos.

Pop Piquiñín nun podía faltar nel llistáu de bandes que fixeron cantares pal Día de la Reciella y presentó’l prestosu ‘Espoxiga’ nel 2018.

Quiciabes foi la del 2019 la que más repercusión tuvo nes redes sociales gracies al perguapu ‘Préstame pola vida’ del dúu Muga.

Nel 2020 nun hebo Día de la Reciella y, poro, tampoco cantar, pero la vuelta nel 2021 traxo’l movíu ‘L’asturianu sal con nós’ de Xaime Martínez.

Y esti añu llega ‘L’asturianu conéctate’ d’Alfredo González. Si nun te lo sabes entovía, ponte les piles, ¡que queden hores pa poder sintilo en direuto!

 

 

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *