Bonos díes, bona xente.
Alborecemos col cielu poco nuboso o escampláu con unes temperatures que tan alrodiu de los 13ºC, rexistrándose nel puirtu Payares 12ºC.
Güei vamos tener un día soleyeru con escasa nubosidá ya con unes temperatures que camudarán poco o descenderán llixeramente les másimes, mentantu les mínimes fadrán lo contrariu.
Mañana martes tendremos nubosidá variable y menos sol y calor que güei, sicasí al quedar el cielu nuble durante’l riscar les temperatures mínimes subirán moderadamente. L’aire sedrá sele ya variable.
A partir del miércoles y lo que queda de selmana, tendremos bon tiempu con escasa nubosidá y ascensu moderáu de les temperatures , pudiendo algamase los 30ºC en dellos puntos d’Asturies el sábadu ya’l domingu.
