Publicado en NATURA

Un robot espía infiltrase nuna menada de gorilas y afaya que canten mientres cenen

Un robot espía infiltróse nuna menada de gorilas. Foi tan realista, que los demás miembros aceptaronlu como parte del grupu a la hora de cenar.

Imaxe de John Downes Productions

Ye bien sabío que los primates tienen comportamientos bien similares a los de los seres humanos. Esto ye verdá, inclusive, nos momentos de convivencia íntima, como la hora de sentase a compartir los alimentos. Para constatar esto, un robot de PBS infiltróse nuna menada de gorilas selvaxes n´Uganda y captolos cantando a la hora de cenar.

Esti insertamientu llevose a cabu para dar siguimientu a una serie documental que sigue a los animales nos sos hábitats naturales de barganal, para reparar les sos conductes nel mediu ambiente. La idea detrás de Nature: Spy in the Wild 2, yera llograr que los gorilas nun se dieren cuenta del intrusu.

Un intrusu na menada

Ye por esto que se fixo un esfuerzu descomanáu pa crear un robot lo suficientemente realista como por que los animales integrasen a la so comunidá. L’intentu foi tou un ésitu, yá que lo aceptaron como un miembru más del grupu ensin reparar en que se trataba, en realidá, d’un espía.

Magar ye ciertu que pal güeyu humanu ye fácil estremar la diferencia ente una persona real y un robot, nun foi asina pa la menada que protagoniza esta entrega del documental. Pal productor, Matt Gordon, yera fundamental poder mimetizarse nel grupu: “La comunicación visual ye bien importante ente los gorilas. Nel metraxe del primer episodiu, los gorilas averáronse directamente al nuesu espía y miraron directamente a los güeyos. Asina que aseguramos de que’l gorila tuviera la mayor cantidá de detalles na cara “.

D’esta forma, la productora llogró grabar material esclusivo de les rutines diaries de la menada. Ente les actividaes del día, diéronse cuenta de que los gorilas canten al unísonu a la de cenar.

Estos videos apaecen nel primer episodiu de Nature: Spy in the Wild 2 ,y amuesen a los animales metanes un santuariu pa simios n´Uganda. Mientres se comíen la xamasca, tarareaban pa sigo mesmos, según el narrador del episodiu.

En compañía de la cámara contenida nel robot, demostróse que los gorilas mayores canten na cena con más frecuencia que los más nuevos. Amás, ye xuna actividá que realicen más los machos que les femes. Tamién s’atopó que los gorilas yeren más propensos a cantar mientres comíen plantes y granes en llugar d’insectos.

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *