🎉¡Felicidaes Sandra Valero! Nuesa representante trunfó n’EurovisiónJunior2023 con una segunda posición que sabe a victoria. Llegó al corazón d’Europa col so himnu d’amor, «Loviu».
España consiguió la máxima puntuación d’Estonia, Xeorxa, Francia ya Italia. Ello ye que foi’l país con más máximes puntuaciones xuntu con Francia.
El postreru top 3 d’España n’Eurovisión Junior foi en 2020 con Soleá y «Palante». Amás, ye la meyor posición d’España dende 2005, cuando Antonio José quedó en segunda posición, y la meyor posición llograda pola delegación española dende’l so regresu nel añu 2019.
Sandra Valero abre’l festival a lo grande. La representante d’España foi la encargada de dar el pistoletazu de salida a la XXI edición del festival européu. Ser los primeres en cantar nun fixo que los artistes tuvieren más nerviosos, sinón tolo contrario, xubieron al escenariu cargaos d’adrenalina. «Cantar namás terminar el desfile de banderes fíxonos salir supermotivaos. Amás, actuar con tol públicu delantre dionos más enerxía que nunca», cuntáronnos los españoles.
