Galardonaos una sidra de xelu, un vermut tradicional y otru ellaboráu con sidra.
La sidra de xelu, 1898, d’El Gaiteru, ye la meyor sidra según los internacionales Premios Cinve, que la coronaron como ‘Best in Show’ y, poro, la meyor de la so categoría. Llograse por aciu la conxelación de la mazana, con cuatro variedaes, para depués prensales hasta consiguir un néctar duce y ácidu al empar para’l que s’encamienta un maridaxe concretu.
Impúnxose a sidres d’Estaos Xuníos, Francia, Reinu Uníu o Alemaña, como tamién lo fixo, na so categoría, el vermut del Llagar Castañón, con una base de sidra en cuenta de vieno.
Como vermut tradicional, l’asturianu Picofino, de Patito Rusu Company, llevóse’l premiu Gran Oru. Para esta Navidá, estos fabricantes asturianos siguen anovando. Per primer vegada, vamos tener nel mercáu sidra axampanao dafechu 0’0 alcohol.
El Concursu Internacional de Sidres, que celebró en Madrid va unos díes la so tercer edición, estremó a la Sidra de Xelu 1898, del Grupu El Gaiteru, cola so máxima reconocencia: el Gran CINVE, qu’equival al clásicu Best In Show, esto ye, la Meyor Sidra del Certame y, polo tanto tamién, Meyor Sidra de la so categoría.
Amás, tamién foi premiada con una Medaya de Plata Abargane, Ballina y Fernández, sidra brut nature qu’igualmente pertenez a la firma asturiana, referente del sector a nivel mundial.
1898 ye una sidra de xelu por demás especial que’l so nome fai referencia al añu nel que se terminó de construyir la bodega d’El Gaiteru. Para ellaborala recuéyense les mazanes y conxélense para emular asina a les sidres orixinales, onde la mazana conxelense por el mesmu clima nel mesmu árbol. Duce pero con un puntu d’acidez final que llimpia la boca, resulta un productu sobeyoso y lleno de matices.
La so intensa dulzura compensada con ese maxistral toque acedu fai qu’harmonice a la perfección con quesos grasos o maduros, foie y tamién con postres pocu dulces.
