Publicado en Charres

I Conferencia SAnTINA 

Arrinca’l próximu 28 d’ochobre de manera virtual la I SAnTINA Conference, entamada pola Sociedá para l’Analís de Tópicos Culturales ya Identidaes Llingüístiques n’Asturies. Trátase d’unes xornaes que van falar sobro la llingua cultura y lliteratura asturiana coles mires d’esaminar y analizar la realidá d’Asturies.

Esta actividá ta agospiada pola Universidá de California Riversyde, siendo online al 100%. Va trescurrir los díes 28 y 29 d’ochobre dende los siete de la mañana hasta la xuna del mediudía y el programa puede vese nesti enllaz (click equí). Rexistrase equí.

La plenarista d’esta conferencia ye Ana María Cano González, na actualidá profesora emérita de la Universidá d’Uviéu y catedrática de Filoloxía Románica na mesma universidá y foi presidenta de l’Academia de la Llingua Asturiana (ALLA) dende 2001 hasta 2017. Les sos llínees d’investigación son la filoloxía románica y asturiana.

Per otra parte, la organización ta formada por otres dos persones:

  • Cuadonga Lamar Prieto, profesora acomuñada de la Universidá de California Riverside y la so investigación centrase nos mecanismos identitarios de les primeres xeneraciones que nacen dempués d’un colapsu políticu, social o llingüísticu.
  • Miriam Villazón Valbuena ye xuna estudiante de doctoráu n’Estudios Hispánicos na Universidá de Costa Rica, con intereses investigadores nes comunidaes billingües y les llingües minoritaries col so impactu sociollingüísticu.

 

 

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *