Publicado en Música

«Petit Pop» cumple 10 años

“Petit Pop” pega l’estirón: el conocíu grupu musical para neños cumple diez años

La banda de música infantil celebra güei na Llaboral la so década de vida: “Naide pensaba que llegaríamos hasta equí”

El grupu de música “Petit Pop” celebró ayeri’l so décimu aniversariu con un conciertu nel Teatru de la Llaboral. Magar la restricción d’aforos, los incondicionales de la formación nun quixeron perdese la cita. El grupu, integráu pola componente de Pauline na Playa, Mar Álvarez, Pedro Vigil, Cova de Silva y Lara González, ufiertó una repasada polo meyor del so repertoriu, coriáu con ganes polos sos pequeños (y non tan pequenos) fans. A la derecha, un momentu del conciertu.

La so propuesta, sustanciada en dellos álbumes, tien el gabitu suficientepara atraer a un ampliu públicu familiar nel que caben dende los más pequenos hasta los güelos.

Va una década nacía en Xixón el grupu “Petit Pop”, una singular formación compuesta por reconocíos músicos de la escena asturiana (Mar Álvarez, Lara González, Pedro Vigil y Cuadonga de Silva) que decidieron faer lo que sabíen, esto ye, música pop, para los sos propios fíos y los compañeros d’estos. La resultancia foi una esitosa banda que nun dexó de collechar ésitos y que va celebrar el próximu, nel teatru de Llaboral Ciudá de la Cultura (17:00 hores) esos diez años de trabayu.

Fae diez años, cuatro colegues (bien de primeres yeren trés) decidieron poner en marcha un proyectu ensin más aspiración que “faer un par de cantares y depués un par de discos”. Ente unes coses y otres, acabaron cumpliendo xuna década de vida, con siete discos a los sos llombos, decenes de cantares que tararean neños y non tan neños de too Xixón, el restu d’Asturies y bona parte d’España y xuna lexón de fans incondicionales y honesta como borra. “Petit Pop”, el “Pop Piquiñín” y playu cumple xuna década.

“Nunca entamamos namás allá de lo inminente, nun había nengún fin. Foi nuna dómina de la nuesa vida con trabayos, con fíos, con una edá na que nun nos plantegábamos nada. Foi fluyendo colos años, creciendo, camudando y amoldándose a les nueses vides”, cavilga Mar Álvarez, componente tamién de “Pauline na Playa” y parte del grupu, que se completa con Cova de Silva, Lara González y Pedro Vigil (el postreru n’incorporase, cuando “Petit Pop” grabó’l primer discu). Toos ellos veníen de la escena musical local: “Nosoträsh”, “Undershakers”, “Penélope Trip” o “Edwin Moses”. Y con la llegada de los sos fíos y sobrinos decidieron, un pocu sobro la marcha, empezar a componer n’otra llínea, colos neños como inspiración d’un grupu qu’en realidá se foi amoldando a nós, porque la nuesa vida taba yá bien marcada naquel momentu de va diez años”.

Col pasu del tiempu, fueron surdiendo conciertos, discos y un exércitu de pequeños siguidores no que foi “un dir pasín ente pasu, a lo que foi surdiendo fuímos-y dando solución”, afirma Mar Álvarez. Adulces, cubrieron un llargu camín del que’l balance, diez años dempués del so primer conciertu nel programa d’ociu veraniegu de l’Autoridá Portuaria “A ver la Ballena”, ye “absolutamente positivu y maraviyosu”. “De la mesma manera que nun había un plan, naide esperaba esto. Ves tocando na Cabalgata de Madrid arrodiáu de neños que se saben los tos cantares y hai un momentu que paras unos segundos y dices: ‘Esto ye bien grande’”, apunta la vocalista.

Sacaron el so últimu discu va dos años. “Los parones ente discos fuéronse asocediendo conforma a la nuesa vida complicábase, n’abriendo la nuesa escuela de música Sonidópolis fundamentalmente”, confiesen. Ye esti centru un frutu directu del so llabor musical, habida cuenta de que munchos de los neños qu’alleguen a ella fueron primeru siguidores de la so discografía: “Cantares pal coche” (2018), “PetitpopíSsimo” (2017), “Surf na bañera” (2016), “Vámonos en bici” (2015), “Nun nos da galbana la naturaleza” (2014), “Nun nos gusten los llunes” (2013) y “Petit Pop” (2012). Un bon llistáu de trabayos llaraos de cantares que neños de media España conócense de pe a pa y que son amás material compartíu con padres, güelos y hasta profesores. “Soi un fuñu”, “Danza de la nieve”, “L’iviernu ta al aviesu”, “Senderismo”, “Quiero ser bombera”, “Cantar de aperitivo” o “Mamitis aguda” son absolutos hits que los más pequenos corien con devoción en toos y cada unu de los conciertos. Y eso que “el públicu infantil ye d’una honestidá brutal”, reconoz Mar Álvarez, consciente de que si un neñu diz que-y gusta, “puedes tar seguru de que ye asina, y al aviesu”.

Pasaron por colexos, festivales, museos, teatros, auditorios y tou tipu d’escenarios, y en toes el so actuaciones asocede la mesma estampa: carines allumaes pola espectación y pies inquietos que se mueven al ritmu d’unos cantares que salen soles. Por eso, celebrar esta tarde diez “añazos” de daqué que nació ensin un plan ye en sí mesmu tou un regalu”. Y más na situación actual de pandemia y aforos llindaos.

 

Autor:

Maestra de Llingua Asturiana Colexu Carmen Ruiz-Tilve - Uviéu