Publicado en Música

El videoclip del cantar ganador de Camaretá: «El que conoz a tierra»

A poques hores de que se celebre una nueva edición de la final del CAMARETÁ Premiu al Meyor Cantar (el sábadu 22 d’ochobre a les 22 hores nel Teatru de la Llaboral en Xixón), Carla Armas y Rubén García, ganadores de la edición de 2021 y agora componentes del grupu Tras el muro, comparten con nós una bona noticia. Un guapu éxitu con un tema n’asturlleonés (na llingua de la tierra de Sanabria).
La música llega ellí onde les palabres fallen
Aplauso pergrande!!!!

El videoclip del cantar ganador, «El que conoz a tierra», realizáu col apoyu de la Conseyería de Cultura, Política Llingüística y Turismu, anda percorriendo’l mundu con muncho éxitu.

Asina, yá foi premiáu en dellos festivales:

✅ Mountain View International Film Festival (MVIFF) (USA)
✅ Rome international Movie Award (Italia)
✅ Hollywood Gold Awards
✅ New Age Cinemas & Scripts
✅ Swedish International Film Festival (Suecia)
✅ Golden Lion International Film Festival (GLIFF) (USA)
Como poco va ser finalista (tovía nun de celebró la final) nestos otros:
✅ Istanbul Film Awards
✅ New York International Film Awards
✅ Beyond the Curve International Film Festival
✅ Rameshwaram International Film Festival

El videoclip d’esti cantar ta nomáu a los Hollywood Gold Awards na categoría de Best Music Video.

 

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *