>
La velocidá a la qu’asoceden munches de les coses que nos arrodien, dacuando, nun nos dexa esfrutar, con total plenitú, de toles coses belles que tienen que ver col milagru de la vida. Videu
Por suerte para nós y gracies a les meyores de les técniques audiovisuales, el slow motion danos la posiblidad de reparar, con tou luxu de detalles, fenómenos que s’escapen al nuesu güeyu y a la nuesa asimilación mental.
Como asocede nesti vídeu a cámara lenta nel que s’amuesa’l procesu nel que delles camparines abandonen la crisálida na que se desenvolvieron como bárabos y rompela para alzar el guapu vuelu que marca les sos nales.
N’una exhibición estravagante de trucos evolutivos y rituales d’apareamiento, les nueves imaxes de Adrian Smith de la popular canal de YouTube Ant Lab enfóquense, nesta ocasión, en seis camparines tropicales.
Smith combinó los clips espectaculares con imaxes detrás d’escena del Museum of Natural Sciences Living Conservatory de Carolina del Norte, que fomenta un ambiente de clima controláu del que nacen cientos de camparines cada poques selmanes.
Tou un espectáculu llenu de guapura y de vida, la que tien la vida en plenu apoxéu, en plenu vuelu.