Publicado en Arte, Muyeres

Shamsia, grafitera afgana y profesora d’escultura na Universidá de Kabul

Ye una grafitera afgana y profesora d’escultura na Universidá de Kabul. Popularizó l’arte urbano nes cais de laso ciudá. ​ Espón el so arte dixital y el so arte urbano n’India, Irán, Alemaña, Italia, Suiza y nes misiones diplomátiques de Kabul.

Nacida en Teherán, Irán. 1988 Los sos padres, orixinarios de Kandahar, migraron mientres la guerra. Hassani amuesa interés pola pintura dende la so mocedá.

 

Nun se-y autoriza estudiar les Belles Artes, ámbitu d’estudios prohibíos para les persones estudiantes orixinaries d’Afganistán. Dende’l so regresu a Kabul nel 2005, estudia l’arte tradicional na universidá de Kabul. Más tarde intégrase a la universidá como profesora encargada de materia y depués como profesora acomuñada d’Escultura. Ye fundadora del colectivu d’arte contemporaneo Rosht.
Empecipió nel arte del grafiti nun cursu entamáu en Kabul n’avientu de 2010 por Chu, un grafiteru del Reinu Uníu. El cursu foi coordináu por Combat Communications. Arriendes de esti taller Hassani empieza la práctica del arte urbano sobro murios de cases nes cais de Kabul. Adopta esta forma d’arte porque los aerosoles y les plantiyes son muncho menos caros que los materiales d’arte tradicional. Fai les sos obres rápido, en 15 minutos, pa evitar tou hostigamiento y afirma qu’el so trabayu nun ye islámicu.
Hassani ye xuna de les primeres muyeres graffiteres d’Afganistán. Incorpora a los sos dibuxos elementos temáticos como’l burka.
“Creo que munchos escaecen la traxedia de les muyeres n’Afganistán», esplicó nuna entrevista a Street Art Bio.

«Por eso uso les mios pintures pa recorda-y lo a la xente. Quiero sorrayar lo que pasa na sociedá con dibuxos qu’amuesen a muyeres con burka perdayuri. Intento representales más grandes de lo que son, con formes modernes, felices, con movimientu, quiciabes más fuertes. Intentu que la xente mire de forma distinta».
/

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *