L’inventu ye únicu nel mundu y cuenta col so propiu amplificador incorporáu y soníu sintetizáu.
Fonte: La Voz de Asturias Y.R.
Unu d’esos aficionaos, Carlos Rodríguez Pumarada, asturianu de nacencia y bercianu d’adopción, aprovechó los duros meses del confinamientu para diseñar, programar y fabricar un punteru electrónicu “únicu nel mundu”, que dexa a los gaiteros practicar na so casa ensin fadiar a los vecinos.
La gaita ye ensin dulda l’iconu de la música tradicional del Principáu. Siempres pon la banda sonora a cualquier fiesta y ye una de les señes d’identidá de la rexón. Pero, para poder esfrutar d’esti soníu que pon la piel de pita a cualquier persona, ríquense munches hores d’ensayu. Para ello, l’asturianu Carlos Rodríguez, afincáu n’El Bierzo, diseñó, programáu y fabricáu un punteru electrónicu que dexa a los gaiteros practicar na so casa ensin fadiar a los vecinos.
La idea surdió en plenu confinamientu. Énte la imposibilidá d’ensayar nun local insonorizado, esti aficionáu a la gaita buscó xuna solución pa poder tocar en casa. Cola ayuda del gallegu Javier Ramiro y so la influencia d’un proyectu llibre que circulaba per internet, basáu na gaita escocesa, Rodríguez diseñó esti punteru que ye únicu nel mundu. Tratar d’un aparatu que lleva directamente’l soníu al escuchu del intérprete, una y bones l’inventu cunta con un amplificador de 3W y xuna clavija estándar para enchufar unos auriculares. De la mesma manera, el soníu puede salir directamente pol amplificador, ensin necesidá de nengún dispositivu adicional pa emitir el soníu que ta sintetizáu. Amás, l’artificiu nun riquir soplar pa faelo sonar y dexa tocar la gaita nes sos distintes afinaciones y variantes.
Dempués de cuatro años trabayando nel proyectu, l’inventu por fin ve la lluz. De primeres, l’asturianu fixo unos diseños de plásticu, pero dada la fraxilidá y la so escasa resistencia a los cambeos de temperatura nun lu acabaron de convencer. Asina que apostó por fabricar los modelos de madera, qu’incorporen namá les pieces plástiques imprescindibles y cunten con una pequena placa Arduino y el llinguaxe informáticu C. Polo que, la batería del punteru puede recargase con un simple cargador móvil. Una vegada conforme col nuevu diseñu, Rodríguez invirtió cientos d’hores énte l’ordenador pa consiguir programar los distintos comandos que dexen funcionar l’inventu.
Amás, el so punteru electrónicu forma parte d’una gaita única nel mundu, una y bones los bordones son tamién eléctricos. D’esta manera, con esti inventu, tol soníu ye independiente. Per un sitiu va’l del punteru, por otru’l de la ronqueta y por otru’l del roncón.
