Publicado en Curiosidaes, NATURA

Les mas chimpancés son como nós: lloren, adoren y tómense el so tiempu d´autocuidau

Atender a les sos críes, xugar colos sos fíos adolescentes y mediar los conflictos ente los machos adultos tán ente les actividaes de les mas chimpancés.

Nos montes húmedos de Tanzania, Uganda y otros países d’África occidental, hai ocasiones nes que les mas chimpancés precisen tiempu pa elles mesmes. Amás d’atender a les sos críes mientres el día, cumplen con roles sociales específicos al interior de les sos menaes. Por esta razón, amosaron xuna meyora notable nos sos estaos d’ánimu cuando pueden pasar tiempu pola so cuenta pa folgar, según un estudiu recién.

Acordies con Grant Currin, periodista de National Geographic, el comportamientu de les mas chimpancés nun falta demasiáu del de les humanes. Otra manera, amás de xugar coles sos críes como una vía para conectar con elles, precisen folgar y lleven procesos de duelu fondos frente a la perda.

Un estudiu recién reveló l’intensu rol de la maternidá nesti tipu de primates africanos y apurrió información a cuenta de les estratexes más óptimes para sofitar el caltenimientu de la especie nes sos hábitats naturales n’África Occidental.

Ente les torgues que l’espertu identificó, atópense enfermedaes incontrolables ente grandes simios, la caza y la perda de los ecosistemes nos qu’habiten. Hasta güei, les poblaciones amenorgaron en siquier, un alarmante 70 % nel continente africanu. Sicasí, les madres de les menaes caltienen los sos vezos lúdicos, de crianza y de descansu.

Ente los afayos del estudiu, Rachna Reddy, bióloga d´Harvard, destaca la formulación de relaciones afeutives sólides ente madres y fíos, inclusive cuando les críes faen adultes. Amás de sirvir como un venceyu de seguridá alimenticia y física, podría ser que los chimpancés establecenlo como parte de les sos normes sociales.

Reddy reparó mientres trés años el comportamientu de 29 adolescentes y adultos nuevos varones de la comunidá de chimpancés Ngogo del Parque Nacional Kibale, n´Uganda. Dempués d’un tiempu de tar dixebraos de les sos madres, l’autora del estudiu decatose de que, cuando se volvieron a atopar, los nuevos chimpancés retomaben actitúes de cuando yeren neños.

Este comportamientu ye inusual ente los mamíferos. Munchos d’ellos abandonen a les sos families nucleares una vegada qu’algamen la edá adulta. Sicasí, paez ser que les madres chimpancés caltienen el so rol social como educadores y provisores de seguridá, inclusive ente los exemplares que yá algamaron el maduror.

En promediu, un chimpancé común puede vivir hasta poco más de 40 años. Conforme desenvuélvense, los machos nun abandonen a la so familia. Sicasí, enfrentense al conflictu d’atayar la xerarquía social ente los varones adultos. Nestos casos, les madres cumplen xuna función fundamental, como mediadores ente los conflictos d’estos exemplares na menada.

Por esta razón, les madres pasen muncho tiempu coles sos críes. A pesar d’estos venceyos emocionales, reparóse qu’elles precisen folgar de los sos propios fíos. Mientres espacios de tiempu específicos, aisllense pa tar soles, y tener un respiru de la intensa convivencia social colos sos ñácaros y otros miembros del grupu al que pertenecen. Ye verdá: les mas chimpancés tamién precisen un descansu.

 

 

 

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *